محاورات مستور بن تركي العصيمي

صياف الحربي

هاضنـي بـرق السحـابـه وأنــا متـعـدي

سيـلـت ماسـيـلـت فـــي هـــذاك الـــوادي

شفت مستور العصيمي تعدى الحدي

نــيــتــه مــاتــرســم الـــخـــط لـــلاجــــوادي

مستور العصيمي

قبـل لاتضـرب بسيـفٍ رهيـف الحـدي

لاتـقــرب حـدنــا مـــن بـلــدك وغــــادي

ياعتيبه عزوتي.. ذخر أبوي وجدي

أنصحوا صياف لـن ماهـداه الهـادي

صياف الحربي

لا تـعـذرنـي بـكـثـر الأخـــذ والــــردي

صب لي فنجال واحد مـن البـرادي

الثبيتـي غثـرب المـاد وبيـح سـدي

وانت توعدني ولا جيت فالميعادي

مستور العصيمي

جـعــل بـيــتٍ مـــا يـــذري هـلــه يـنـهـدي

مــــا فـقـدنــا فالـلـيـالـي حــــلالٍ غــــادي

وأنــت لا تـبـكـي وحـنــا عـلـيـك نـحــدي

وأن جحدت العلم ذعنا الخبر فالرادي

صياف الحربي

مفطرٍ بغيرك صبيحه وبك متغدي

وان تكلمنا كما الشوك فالأكبـادي

وانت راسك كنه الشوك ما ينكدي

مايكـده غيـر مشـطٍ مـع الـحـدادي

مستور العصيمي

لاتعاندني يابو كوت ما انـت بقـدي

وانت طيرٍ لو نبي صيدته ينصادي

وأنت راسٍ فيه الأمشاط مـا تنعـدي

نشتـري فالسلـم ونبـيـع فالاقـصـادي