محاورات مستور بن تركي العصيمي

محاورة بين الشاعرين مستور العصيمي و شليويح المطاري
مستور العصيمي
ســـــلام الله بــرديـــة ولـــــي نـــيـــه ولــــــي مــقــصــود=ومـقـصـودي شـلـيـويـح الـمـطــاري واســــر يــاســاري

تـــــرا حــبـــل الـشــقــا مـابـيـنـنـا يـاصـاحـبــي مــمـــدود=بعد هبت بك انسام الذواري واسر ياساري ياساري

شليويح المطاري
هــــلا يـامـرحـبـا تـرحـيـبـة تــقــدح كـمـاالـبــارود=كما البارود من بطن السواري واسر ياساري

انـا مـدري تحصـل فـي زمانـك نقـص ولا زود=لكنك ويش عندك من طـواري واسـر ياسـاري

مستور العصيمي
وانا خابرك ماتبخل بمدك من رجال الجود=لكن ايام عنها مانت داري واسـر ياسـاري

ليامنك نويت الصدق معنا فبذل المجهـود=جمالـك لاتصدرهـا عــواري واســر يـاسـاري

شليويح المطاري
يجيـك المـد وافـي كـان راس العـود طـق العـود=نكـيـل الـصـاع ونــرد الـغــواري واســـر يـاســاري

وانا ماني على درب الشقـا ياصاحبـي محـدود=ولا اكل من طرف خبز البخاري واسر ياساري

مستور العصيمي

تــرا بيـنـي وبيـنـك ياشليـويـح النـقـا مـجــرود=ومـنـي مـاتـذريـك الـمــذاري واســـر يـاســاري

تبـا تـارد وتـروى والضوامـي حاظهـا مـارود=ولالك يالمطاري خصم غاري واسر ياساري

شليويح المطاري

تبـا تفـتـح دروبٍ يالعصيـمـي ريعـهـا مـسـدود=ولا ينفـعـك سيـفـك والشـبـاري واســر يـاسـاري

ليامـنـك سـهـرت الـلـيـل حـنــا مانـصـيـر رقـــود=وانا خصمك وقصاص الاثاري واسر ياساري

مستور العصيمي
تعـرض لـك خيـال فــي مقاديـمـه بــرد ورعــود=وعندك علم عن شري وخاري واسـر ياسـاري

مضى لك كم سنه ماعنك لاناشد ولا منشود=ولا شفـنـاك يالنـجـم الـزهـاري واســـر يـاســاري

شليويح المطاري
لـيــاصــدق خـيــالــه نـــــارده قـــــدام كـــــل ورود=لـكــن الـنــو مـاجـالـه مـــواري واســـر يــاســاري

كبـنـك يالعصيـمـي ماتـعـديـت الـجـبـال الـســود=لكنك سير في وسط الصحاري واسر ياساري

مستورالعصيمي

عــد ماهـلـت همالـيـل المخـايـل يـاسـلام الله ســلام بغـيـر مـنّـه

للامير وللجميع اهدي سلامي واطلب الله بالنجاة وبالسلامه

الصمايـل ياهـل الخيـل الصمايـل لبسوهـا بالسـروج وبالاعـنّـه

والقمر يجلاك ياليـل الظلامـي ياقمرنـا بالريـاض وفـي تهامـه

صياف الحربي

مـرحـبــا تـرحـيـبـة فـيـهــا دلايـــــل ســنـــة قـبــلــي وانـــــا تــبـــاع ســنّـــه

اكـمــل الـحـجـه يـالـبــاس الـحـرامــي لاتـسـافــر بـالـعـقـال وبالـعـمـامـه

انـتـبـه لـلــي يـــردون المـثـايـل لاتـطــب الـنــار وانــــت بــوســط جــنّــه

ثم تصبح بالخلا جوعان ظامي تعصر الزيتون من عرق البشامه

مستورالعصيمي

ماش ياصياف حيلات ومحايل شفت لي في بعضكـم شكـه وظنّـه

الحرامي كيف يسرق له حرامي طحت لك فـي حفرةعشريـن قامـه

عقب هاك السالفه كيف انت قايل يوم جردنا السيوف المستسنّه

يــوم قمـنـا يالـحـروب الـحـظ قـامـي يبـعـث الله امـتـه يــوم القـيـامـه

صياف الحربي

الله اكبر كيف خيلت المخايل وانت عينك تحت رمشك مستكنّـه

مامعك غير الفتيله والحزامي والعصا اللي شلتها ظلم وغشامـه

مـن بلـد جـدة ليـا ضلعـان حايـل تتبـع اديـار الــروا والـدلـو شـنّـه

كن ما لك لالسان ولاعظامي عقب ضيعت الشداد مع المسامه

مستورالعصيمي

ماجحدت بيوت ماضيين الفعايل وانت هاك اليوم ونيت لك ونّه

يالسحيمي طيعني واسمع كلامي الغلط يوقفك في درب الندامه

ان كـثـر مابينـنـا قـيـل وقـايـل والهـقـاوي يرجـعـن الـيـا اهــل هـنّـه

لاتقرب ميسم بالنار حامي يصبح الميسـم علـى الخديـن شامـه

صياف الحربي

انته الليله عليك الحمل مايل وان بغيت العد حنيت لك حنّه

والحقيقه لاتباع ولاتسامي غشك اللي حط لك ربـع العلامـه

لانته التالي ولا انت مع الاوايل حولت في نارنا تسعين قنه

واصبحت لاهي شراب ولاطعامي ماعليّه من سبايبها ملامه