الشاعر داله بن عائض العوفي (شاعر عوف) ينخى قبيلة حرب لتوجه لحل قضية

الشاعر داله بن عائض العوفي (شاعر عوف) ينخى قبيلة حرب لتوجه لحل قضية السجين محمد عياد العوفي المحكوم عليه بالقصاص



[poem=font="simplified arabic,6,black,normal,normal" bkcolor="white" bkimage="" border="solid,4,black" type=0 line=0 align=center use=ex num="0,black""]

انخى بني سالم ومسروح الحين= على خبر عاجل يهم القبيلة
اليوم يوم شيوخ حرب السلاطين = هم عزنا حلالة المستحيله
شيالة القالات حرب الحكمين = لاجاء الله الله حرب ماهي قليله
محمد بوجه رموز حرب المسمين = في جاههم لعل يطلق سبيله
وجاه الشيوخ اللي تفك المساجين= لقلت الحيلات تلقى وسيله
يامعتقين من القصاص المدانين= محمد ولدكم ينتظر كل ليله
علمٍ يبشربه عن العسر بالين= عسى مساعيكم من الله جميله
ربعه اخصامه درع جنبه فهمين= حنا لبعضنا باليالي العليله
اليوم بين ايدنكم ياكرمين = ياربعنا ياكاسبين النفيله
تكفون ثم تكفون ياهل النبا الزين= ياهل العطايا الطيبات الجزيله
نبي شفاعتكم تعم الميامين= عن نفس ماباقي لها الا قليله
وجاهنا مايضيع عند الوجهين= عند السوالم طيبين الفصيلة
وبعيان وشيوخ القبايل مهلين= بالجاه ماشين الخطوط الطويلة
للاجر يسعون الرجال التقيين= مايعتق من النار خير وفضيله
منا وفينا اهل تسامح كثرين= مع الاجر تكسب جميل وحصيله
انتم سندنا اليا ذرفت دمعت العين = وحنا عضداكم بالحمول الثقيله
مسروح مع سالم اخوان ووفين= جميع مايطلب علينا نشيله
فقديكم فقيدنا والقدر شين = الله يعلم مارضينا رحيله
ولو القصاص يرد ميت لحين=مافيه قاتل غير راسه نزيله
لكن حكم الشرع ماعنه تامين= الا التسامح والعفو ينصغيله
اليوم عوف بجاهكم مستعنين=ماصار صار ولا باليدين حيله
ابناء عمومتكم جوكم سريعين= منكم وبالله مرتجين العقيلة
الشاعر داله عايض العوفي
منتديات بني سالم ومسروح[/poem]

صح لسان شاعر عوف الشاعر العلم داله العوفي وتوجيه القصيدة لشيوخ حرب من اجل قضية السجين محمد عياد السهلي العوفي ومافيه شك بان السجين احد ابناء حرب ويهم القبيله والموضوع قائم عليه بعضا من شيوخ حرب ومنهم الشيخ سلطان بن فيصل ابو ربعه السهلي والشيخ حجاب بن نحيت والمساعي مستمرة والله يكتب اللي فيه الخير ومافيه شك بان مطلوب من الجميع التفاعل مع الموضوع والسعي وابداء الراي والتواصل من اجل حل القضية

فوق


فوق

بيض الله وجهك ياشاعر عوف الشاعر داله بن عائض العوفي ونسئل الله ان يحل موضوع السجين وباذن الله بان الجهود متواصله وعلى راسها الشيخ حجاب بن نحيت والشيخ سلطان بن فيصل ابو ربعه وكبير عائلة المفضي الله يكلل الجهود بالتوفيق

وفقك الله اخي داله عايض العوفي وكثر الله من امثالك وجزيت خيرآ ياشاعر عوف

بيض الله وجه شاعرنا ورفع قدره والله يفك اسره ويرده لأهله سالم غانم

فوق


فوق

مشكورين المشرف واخي حامد وشاعرتنا القديره محبوبه
على مروركم الكريم كما الشكر اخوي فهد بن ناحل على جهوده
الطيبه لكم تحياتي

فوق



فوق