وتراء التكاتف خير وانتم هله زين(هلال الثابتي)

تفاعل مع سجين الحفر الشاعر هلال الثابتي الحربي ولاهو غريب العلم الغانم من ابو
عبد الكريم الله يحفظه

حربأ شيوخ اعظام قدر وعظيمين=وتاريخهم حافل بكسب البطولات
حماية العدات والعرف والدين=نعمأ هل النخوه افرادوجمعات
شيوخأ بهم حكمه وحزم وبهم لين= للجار والمحتاج والضيف بالذات
خدام للناموس بالحرب صلفين=عدوهم مايهتني بالملذات
لجاء الله الله كلهم بالميادين=دون الرفيق اللي حدته الصعوبات
كم اعتقوا من نفس كم خلصوا دين=وكم ماقفأ وقفوه حاش الجمالات
وكل القبايل بالمواقف سلاطين=يوردون اللي حباله قصيرات
ياللي مباديكم على العسر واللين=تبديل ساعات الضنك بالمسرات
هذا ولدكم يالرجال الكريمين=في حاجة الفزعه اذا فيه فزعات
واليوم فهد بالغرامه له اسنين=مسجون في حقأ اساسه كفلات
وترا التكاتف خير وانتم هله زين=وانتم احرار وتكفي الحر اشارات

سلمت ياشاعرنا الكبير هلال الثابتي الحربي وبيض الله وجهك يابو عبد الكريم
على هالجزاله وعلى التفاعل ولاهو غريب التكاتف من قبايل حرب وافرادها وسلمت
يالغالي

صح لسان الشاعر هلال الثابتي وبيض الله وجهه
وجزاك الله خيرا وبيض وجهك أيها الشاعر ذاير السحيمي وتفاعلك مع قضية السجين فهد
وليست غربية عليك وكتب الله أجر كل من أسهم بحل قضية فهد وجعل له مخرجا

صح لسان الشاعر هلال الثابتي الحربي على تفاعله مع ابن حرب سجين الحفر فهد الحربي والذي وجهه عددا من القصائد لقبيلة حرب ينخاهم للفزعه وقبيلة حرب مواقفها مشرفه قديما وحاضرا

وفي الواقع ان الشكر قليل في امثالك يابو طاهر (الشاعر ذاير السحيمي) ومواقك و مساعيك مشكورة مشرفه

الشاعر العلم ذاير السحيمي بيض الله وجهك على نقل قصيدة الشاعر هلال الثابتي المحمدي الحربي وتفاعله مع قضية سجين الحفر والذي وجهه عددا من القصائد في احداها نخى قبيلة حرب عامه ومافيه شك بانه اصاب بهذا التوجيه وهو محظوظً لانه ابن قبيلة حرب القبيلة المعروفه والذي يقف رجال القبيلة وقفة رجل واحد من اجل ابن من ابنائها

ونشكر الشاعر على تفاعله الغير مستغرب وموقفه الاجابي لتفاعل مع نخوة السجين لحرب كما نشكر جميع الشعراء والمنشدين والمصممين على مواقفهم المشرفه

لاشكر على واجب هذا واجبنا ياعيال العم وانا من عرضكم بالتفاعل وبيض الله وجيهكم جميع
ونطلب من الله عزا وجل ان يفرج له كربته وقبيلة حرب فيها الخير والبركه وهم اهل الفزعه وبدون قصور بالمسلمين عامه

نشكر الشاعر الشاعر هلال الثابتي المحمدي الحربي على تفاعله مع قضيه السجين ونسئل الله ان يسهل اموره وكما تعلمون الان اصبح المبلغ 3 مليون فقط الله يوفق ويسهل ومطلوب من الجميع التفاعل مع الموضوع