خليف بن دواس ورجالله المحمدي بكملها فيما بعد

خليف بن دواس المطيري

انا بقريش انا بهذيل انا بسليم ابن عباد=اخيل الناس واهل الديره اللي لاح بارقها
بنا فخر النبوه والرساله واطول الامجاد=منار العالمين بدولةٍ خضرٍ بوارقها

رجاءالله المحمدي الحربي

انا حربي ولد حربي شبابي والسيوف احداد=اليا قمنا نشب النار في خنذف ونحرقها
عسى مالله يكثر شكل ابو طارق مع الاجواد=وجيه الخير مجتمعه وابو طارق يفرقها

خليف بن دواس المطيري

اويش الخير فيكم يالبقايا من ثمود وعاد=بعد معطاكم الله سورة الطارق بطارقها
على ظهر الجمل منا لها قيد ورسن وشداد=لهلها باقية ومسيلما الكذاب سارقها

رجاءالله المحمدي الحربي

واحد منا بميه من مطير عيال بن شداد=وميه من شيوخ مطير نغرقها ونشرقها
يقلون الرجال خليف راضع مع سعد حداد = ويتخفى وراء البيبان لين يجيه طارقها

خليف بن دواس المطيري

لنا تاريخنا الهجري ولك تاريخك الميلاد=تحسب انا كما حوت البحر تمسح عواتقها
انا من علي صيحه يارجالله واسلم المقداد=دخل في غرفة المياسة اللي كان عاشقها

رجاءالله المحمدي الحربي

لكم تاريخ في رعي الغنم والصدر والميراد= ولو قال المطيري غيرها محدٍ مصدقها
يارواد الاراضي حرب في سطح القمر رواد = ولا ياخليف روح وطبق المشلح وعلقها

خليف بن دواس المطيري

بسيف المجد نرحل من بلاد ونستحل ابلاد=واخذنا من مغاربها واخذنا من مشارقها
اممنا الجمع ونقود المعارك من وراء بغداد=على ارضٍ بالحجاز ابمعجزة نثبت حقايقها

رجاءالله المحمدي الحربي

تقوله وانت رحت في ضبط البعير قراد=تهز الراس بين ايديك وعيونك تبحلقها
انا اعتيتك صابون قلوب واعطيتك صابون اكباد=والى هالحين ربعك تغرف البحر بملاعقها

خليف بن دواس المطيري

ولد عباد طول الوقت واقف لك على المرصاد= يعرف الارض وانته صرت فاسق من فواسقها
ولا ياعقلي اللي له على الماضي حنين افواد=متى بايامنا ترجع وراء وتعود سبقها

رجاءالله المحمدي الحربي

تساوا فوق سطح الارض لا يجمد عليك اجماد=ومن شايل بجيبه صورة امطيري يشققها

فوق


فوق