تغطية حفل الشلايين من مخلف لشيوخ قبيلة حرب ومطير

صاحب الحفل سلطان بن عوض الشلياني المخلفي يلقى كلمة مرحبا بالضيوف الكرام

احتفل الاستاذ سلطان بن عوض الشلياني المخلفي يوم الجمعه لليلة السبت الموافق 1/5/1436هجري ببعض من شيوخ حرب ومطير وذلك ببريدة منطقة القصيم قاعة البركة وكان لشعر حضور مميز ابدع به الشعراء






الشيخ ناصر بن خالد بن مدلج العوني



الشيخ خلف ضيف الله بن راجح و الشيخ سعد بن سمير بن ضلعان و الشيخ سلطان بن راجح







الشيخ منور بن غلاب بن طعيسه رئيس مركز دهيماء والشيخ خالد بن رباح بن ناحل


الشيخ عبدالله بن محمد بن نحيت





الشيخ نافع بن بطحي بن صندل







عبدالرحمن بن جهز السبعان







الشيخ عبدالاله سلمان الحيسوني راعي الحيسونية



الشيخ جهز بن جزاء الخضراني العمري رئيس مركز الخضراء







الاستاذ فهد حمود العتيبي





الشيخ صلاح بن عبدالهادي الشبعان رئيس مركز الجفن



الشيخ سعد بن سمير الصرير رئيس مركز القليب


الشيخ حامد ابو عشاير الفريدي -الشيخ زيد بن سعدا - الشيخ مروي بن مياح الوهبي


عقيل معوض الشلياني - خلف غوينم الشلياني - ثابت ميزان الشلياني - مستور عواض الشلياني

كلمة ترحيبة لصاحب الحفل سلطان عوض الشلياني المخلفي الحربي





كلمة لشيخ عبدالله بن محمد بن نحيت






الشاعر ندا فالح المخلفي






الشاعر فهد الشلياني المخلفي

من كلمات الشاعر : سالم السامود

اداء صوت السعد : ناصر الصخيبري

حفل سلطان عوض الحربي لمشايخ وأعيان قبيلة حرب ومطير




الشاعر سالم ضعيان السامود المخلفي


http://cdn.top4top.net/d_c8f35139530.mp3


المنشد محمد الصخابرة الدوسري

اقول عن سلطان في حفل سلطان=ابن عوض رجل الكرم والحمية
اهلا هلا بشيوخ وافراد واعيان=تحية التبجيل والمقدرية
ياهل الوفاء والطيب ذرفين الايمان =ياهل المواقف واليدين الندية
سلطان له في قمة المجد عنوان=صفحة حياته بالمكارم ملية
سلطان للي يشكي الضيم مزبان=له فزعتن تقصر حبال القضية
بالمرجلة والعز في كل ميدان=جاه و وجاه وسمعتن عالمية
وابوه قبله له مكانه وله شان=عند الرجال اهل الفعول الوفية
يقوله السامود سالم ضعيان=امخلفي من حرب والنار حية
في حرب راسي من ورا غر الامزان=ولي الشرف ولهم حقوقن عليه
حرب الحرايب من قديمات الازمان =اهل السعد بالدين والجاهلية
وكلن بفعل الطيب مافيه نقصان=وهد البخت مذموم عيب وخطيه
والله يعز الدار في حكم سلمان=الحاكم الي عز كل الرعيه
مية سنه وبلادنا بأمن وامان =الشعب وافي والحكومة وفيه
اعز شعب اطهر وطن بين الاوطان=يحكم بشرع الله وسنة نبيه
نعمة من الي خالقن كل الاكوان=ينعم بها شعبآ حياته هنيه
كل الدول صارت على كف شيطان =الا خليج شعوبنا اليعربيه
وباقي العرب بشعوبها ثار بركان =مصايبن تنهال من كل نيه
احزاب ذبح وسلب ارامل ويتمان =واعراض تهكت كل صبح وعشيه
وحكام روح حكمهم في خبر كان =وشعوبهم كلآ ركب له مطيه
هذاك يقتل ذاك والكل خسران=وام الدلع غنت لهم سامريه
تساعد السنه على شيعة ايران=وتحارب السنه مع الرافضيه
وتلعب على الحبلين لفلان وفلان =وليا انتهت لقتهم الجرهديه
وياشعب ياشعب الكرامه والايمان=النور واضح والحقيقه جليه
الشكر للنعمة يبي عقل واتقان=ومن لا شكر راحت حياته شقيه
حنا بخير ونعمتن مالها ثمان =شعبن سوا مانعرف الطائفية
والي يخالفنا منافق وخوان =من صحبة اشكاله ذممنا بريه
من الخليج اليا الحديثه لجيزان=شعبن سوا مابيننا عنصريه
وعندي نصيحه صدق من قلب ولسان=اقولها من تجربه واقعيه
بالرب خل الظن في كل الاحيان=بالمغفرة والرزق والعاطفيه
واحذر تنزل هامتك لايت انسان=لو سمعته ترقا على الجاذبيه
الا الثنين اهل الجمايل والاحسان=في برهم وصاك رب البريه
وليا عطيت اكرم ولا تصير منان=واحذر تجي مع درب حسنتك سيئه
ومن عاشر اهل الهون لابد ينهان=والهينه مفتاح باب الرديه
ولا تواخذ الجاهل ليا صار غلطان =ولا تتركه مابين ذيك وهذيه
ولو جتك من يمه بلا سرج وعنان=افتح لها باب على المهمهيه

الشاعر سالم السامود

مشاركة الشاعر عقاب العماني

يابو عوض مالي عليكم معاريف=أجي واشرف وأتشرف ياسلطان
ما صفف أعذاري للأصحاب تصفيف=واختار منها ما يناسب للأخوان
اللي يصرّف بعض الأصحاب تصريف=مذّن لكنه ما يصلي للأذان
هذاك لا تُكثر عليه التحاسيف=اليا حضر وإن غاب بالوضع (سيان)
أجي لربعي ما حسبت التكاليف=لو الصدر من (سود الأيام) مليان
لو كانت ظروفي ماجت لي على الكيف=(بنّطت) فيها لأجلك بضلع ورقان
مخلوف جهد اللي يجي للمخاليف=قبيلةٍ للعز و المجد عنوان
قبيلة الأمجاد ماهي بتزييف=يشهد لها التاريخ في عالي الشان
أهل هلا من قبل لا يقلط الضيف=يشبع من الترحيب من قلب ولسان
وليا جلس يلقى الدلال المهانيف=علط الرقاب وشاهد الوسم رسلان
والعود الأزرق قبل لا يدرج الكيف=سحاب رُبانه ماهو بأي رُبان
في مجلسٍ عامر بزين السواليف=والسالفة ما تنلطم قدر الإمكان
لاسولف اللي يوظّف الهرج توظيف=باق الجماعة مثّلوا دور بكمان
مانتفوا حمض السواليف تنتيف=لا بان رأس السالف خمّها فلان
اللي يجيهم ماشكى لاهب الصيف=اْعيونهم قبل المجالس له أوطان
لو الغلاء من قبل بالعين ما شيف=شاف الغلا بعيونهم شوف الأعيان!!
طيبٍ طبيعي ماذكر فيه تسويف=لا ما يحضر أحيان ويغايب أحيان
ثابت ماغيّرته إيدين الصواديف=لا شأن وجه الوقت بأفعالهم زان
وأسرع من النار بعلق يابس الليف=فزعاتهم لاصار شعلة ودخان
يوم إنها بالطاس والرمح والسيف=ويوم إنها بحصان وعنان وسنان
في جمعهم يا ما تفرّق مواليف=وفي ايدينهم يا ما قُطع نسل الإنسان
عدوهم ضاقت عليه المحاريف=عليه ضاق (الكون ) مع كثر الأكوان؟
أمجادهم ماهي بحاجة لتعريف=أمجادهم تسمع بها صم اللآذان
وهاذي ترى نبذة فقط للمخاليف=أقولها بالمختصر عند سلطان

قصيدة الشاعر شجاع فراج البراق العتيبي

بداها بيتين استفتاحيه

احث رجلي على الجزله و اتعبها=و اتغانم الطيّبه قدام تلفيني
و الدعـوه الي من الغـالين اوجبها =ما احسب مسافاتها لو هي تعنيني

قصيدة المناسبه

تـعنزنا بذكـر الله بـدينا بـ اسـمه الـمحمود=عليم الغيب في علمه عظيم الشان سبحانه
دعيت الهاجس الي كل ما هبت هبوب النود=يسابقني على نظم القصيد وحبّك قيفانه
دعاني داعي الي فالـمواقف ما عليهم زود=وانا سلطان اعزه و اقطع الفرجه على شانه
صميدع راس يتعب من بغا دربه وريث الجود=قوي العزم كاسب " نعم " من ربعه و ضيفانه
سفير العزوه اللي مجدهم فوق الثرى مشهود =وسبع انعام يا قوم"ن" لهم فالـمرجله خانه
شيوخ الفعل يوم الوقت ذا طارد و ذا مطرود=سنام المجد لا عدو هل الامجاد .. شيخانه
يا حرب المجد و الهيبه لأحك العود راس العود=نهار الهوش تفجع من يداحمهم بفرسانه
ومطير مطير من يجهل خبرها والفعل محمود=رجال المعجزات اللي على الأمداح خرمانه
المجد يبرك لجلهم والصعب معهم ما يكود =و القاف يصخر لجلهم و يجر بعالي الحانه
و انا من عزوة الهيلا على ممشاهم المعهود =امثل ربعي بفعلي و اسوق الشعر بعنانه

جانب من الحضور

مشاركة / محمد ابن مرزوق

بااسم سلطان العوض راع الجزيله=كاسب النوماس شيال الثقيله
المراجل حازها من طيب راسه=مايهمه معضلات ومستحيله
مايبرك للحمول الا جملها =ولايقدم بالرجال الا الدليله
يتقدم فالمواقف وانتشرف=لاوقف في لازمه يسوى قبيله
هيلع (ن)كفه ع الطيب متعود=عقب اللي واجبه مايرتكيله
كثر الترحيب والترحيب طبعه=والطبع قد قيل ماشي(ن)يزيله
وان حضرت بماقفي مثله برحب=شاعر وارقى على راس الطويله
ماكسبت من البيوت الا الفرايد =ماني من اللي يجيبون الهزيله
مرحبا ترحيبة(ن) يبطي صداها=عد ماهلت هماليل المخيله
مرحبا ونقولها مليون مره=نعتبرها في عوايدنا قليله
مرحبا بشيوخ حرب اللي لفونا=مرحبا في كل فرد وتنثنيله
مرحبا يامطير حمران النواظر=يااهل الردات بسيوف صقيله
في حلال اللي ع العليا تعلو=ربعي مخلف منابيع الفضيله
لابة(ن) تاريخها كل(ن) درابه=مكرمين الضيف حامين الدبيله
والقبايل حقهم ماهو مهمش=مجدهم وافعالهم تبقى جزيله
والولا والسمع لااعيال الموحد =الملوك اللي تعدل كل ميله
طول الله عمر سلمان المعالي=المليك اللي مانرضى في بديله
وطول الله عمر مقرن وابن نايف=الحرار اللي تعلو بالطويله
درعنا يوم الملاقا والمجابه=كان نار الحرب شبت بالفتيله
والوفا منا على طول الليالي=مااختلف في كل يوم وكل ليله
مانساوم بالوطن والدين لله=والعدو بيموت مايبرد غليله
والحتام ان كان وان القاف قصر=عذركم غايه تبررها الوسيله

جميل وجهود مشكورة وبيض الله وجه المعزب سلطان بن عوض الشلياني المخلفي كفو مشكورين