محاورات مستور بن تركي العصيمي

مطلق بن حميّد الثبيتي ومستور بن تركي العصيمي

مطلق الثبيتي

هذا السنه ماهي سوات العام

الـغـيـث طـــاح ونـبـتـت الــديــره

والبرق يبـرق فاليمـن والشـام

يـاجـعـل فـيــه الـخـيـر والـخـيـره

مستورالعصيمي

هذا السنه فيها جديد اعلام

ياجـار يالـلـي تـعـرف الجـيـره

خلك مـن الثقبـه اليـا الدمـام

كف القـدم واقصـر مشاويـره

مطلق الثبيتي

ياللـي تهـل الدمـع ماتنـلام

خايف علينا تطول السيره

حـنـا تـرانـا فـالـزمـان اكـــرام

والوقـت مانتـبـع معاصـيـره

مستورالعصيمي

حنـا جماعـه والسعـد قـدام

دوب السعد دقت مظاهيره

لاعــاد تـامـن غـــرة الايـــام

بـعـد الدركـتـن دار جنـزيـره

مطلق الثبيتي

ماودي الحزمه تروح اقسام

واتـحــط الـــك لـفــه وتـدويــره

اللـي سواتـك محـتـزم بـحـزام

نعرف وروده مـن مصاديـره

مستورالعصيمي

لاتستمـع فـي نـمـة النـمـام

الـلـي مـغـيـر يـولــع الـنـيـره

ياقاطعين الوصل والارحام

حـلــم قـديــم ودوروا غــيــره

مطلق الثبيتي

مــادام حـنـا والـرجـال ايــلام

مانحسد الصانع على كيره

كل الملاحـم ملحمـه بلحـام

لاتـتـعــب الـجـمــال وبـعــيــره

مستورالعصيمي

لاعــــاد تـلــبــس وارد الـبــســام

خـــل الـحـسـد والـكــره والـغـيــره

طيري على راس الطويله حام

يــوم الثبيـتـي مـانـهـض طـيــره

مستورالعصيمي وعوض الله السلمي (ابو مشعاب)

مستور العصيمي

ياسـلامـي عــد وبـــل يـــوم هـلــي لاح بـراقــه ورعـــده فـــي الخـيـالـي

جيتكم عندي خبر وابغى خبر من عندكم بوجودكـم فرصـة سعيـده

هات ياعوض الله الاخبار قلي اللي لاتسوي الك محايل واحتيالي

خلنـا نسـري علـى نورالقمـر نـور القمـر يشكـف لنـا الــدار البعـيـده

عوض الله السلمي

ياهلا يامرحبا بالصاحب اللي صحبته دامت شهر واربع ليالي

كل ماغلق شهر واقبل شهر يبغالنا نعمل معـه صحبـه جديـده

وش تنشد عنه بعد الوقت زلي سد في حالك وانـا بسـد حالـي

السـؤال المعتبـر يامعتبـر نكتـب جوابـه لـك بصفـحـات الجـريـده

مستور العصيمي

ياعميلي كل ماصلـى المصلـي علمكـم يطـري علـى فكـري وبالـي

واحد غاب وحضر واليا حضر جاكم وقابلكم على قيس الوعيده

مابغـيـنـا حبـلـهـا يـنـحـل حـلــي والـحـيـل حـلــت مـعـاقـيـد الـحـبـالـي

خــل بـابـور البـحـر جـــوف البحرياصـاحـبـي والله يـدبــر مـايـريـده

عوض الله السلمي

يالعصيمـي مانـت داري وش حصلـي كـل ماجيتـك لقـيـت البـيـت خـالـي

قـالـواانــك فــــي ســفــر يــابــو ســفــر لاعــــاد تـعـدنــا وسـفــراتــك عــديـــده

ليه عن دارك يابو زيد متجلي ليت دار ماهو لك مايحسب راس مالي

اعـتــذرلــواعــتــذر قـــلـــنــــا فـــــمـــــان الله عـــــســـــى الـــطـــرقــــه مـــفـــيــــده

مستور العصيمي

مــن يـدورنـي لقـانـي فــي محـلـي مـرســيٍ ســـوات مـاتـرسـي الجـبـالـي

مار عينك ماتحقـق بالنظـر حـق النظـر واوصيـك فـي حسـن العقيـده

خـلـهــا فــــي راس مـفـلاهــا تـفــلــي لاتـجـفـلـهـا تــهـــج مـــــن الـمـفـالــي

علمها دوبه على بالي خطر واللي خطر في خاطري معنى القصيده

عوض الله السلمي

ياعميلـي لــي موقـيـفٍ تسـلـي يشـهـدون اهــل اليـمـن واهــل الشمـالـي

مابغينـا نخـبـط اغـصـان الشـجـر راع الشـجـر طمـعـان فـيـه الله يـزيـده

وش تبي بالشمس وانته جوف ظلي لا تعبد الشمس خلك فالضلالي

مايـضـد امـيــة نـفــر واحـــد نـفــر وانـظــر بعـيـنـك فالـسـبـور وفالقـعـيـده

مستورالعصيمي ومحمد السناني

محمد السناني

سلامـي بعـد صفـو عتابـه فريقـيـن

فريـقـيـن والـمـيــدان قصـرالـسـلامـي

حبيب ومستورالعصيمي على وين

لو إستلحقـوا معهـم رشيـد الزلامـي

مستور العصيمي

هلا مرحبـا ترحيبـةٍ تقضـي الديـن

معي محتزيهـا ماسرقهـا الحرامـي

حبيب وأنا جينـا نكحـل لـك العيـن

ومن غاب غاب ولايجيه الملامي

محمد السناني

يـــــدوم الـبــقــا يـاطـيـبـيـن الـقـوانـيــن

وأنا لي نظر فأهل الثلاث الأسامي

مناوين ياعتيبه وش إللـي مناويـن

أنــا يالعصيـمـي مافـقـدت إحـتـرامـي

مستور العصيمي

ولا يالسناني صـرت مثـل أم ظرفيـن

عيونك على المشرق وقلبك تهامي

ليا جيتنا يا ضيـف تلقـى خبـر زيـن

ولن رحـت جعلـك فـي بعيـد المرامـي

محمد السناني

أنــــا يالعـصـيـمـي مـاتـقـلـب بـوجـهـيـن

لكن أنت ناسي فضل عشرين عامي

جــوازك جـديـد وفـيـه نـخـلـة وسيـفـيـن

ونــاوي تـبـرّى مــن شـــروط النـظـامـي

مستور العصيمي

تـبـان الرسـالـة مــن رمــوز العـنـاويـن

علامك تجي ضامي وصدرت ضامي

ليا كان مال السيف مقضـب وحديـن

يـبـي ينـكـسـر قـــدام كـســر العـظـامـي

محمد السناني

أنـا مـا تياسـر والجماعـه ميامـيـن

تـفـقـد حـزامــك يـاجـويــد الـحـزامــي

يقولون مابشهـار غيـر المجانيـن

وقلبك على شأن المجانين حامي

مستور العصيمي

صبـرنـا عـلـى الأيـــام صبرالبـعـاريـن

وهالحينه إصحي بالقلـوب النيامـي

أنا خابرك وأعرفك من عام الألفين

ولـكـن صـبـرك لـيـن أتـمــم صـيـامـي

محمد السناني

ليـاصـارمـافـالـرجـل ذمـــــــه ولاديـــــــن

يــبــشــر بـسـوءالـعـاقـبـه والـخـتــامــي

أنا خابرك من عام خمسه وتسعين

معـنـيّـك مـشــوار الـفــروت الـقـدامـي

محمدالسناني

ياسلامي على عتيبه بقصر السلام

والتـحـيـه عـلــى الحـفـلـه وحـضـارهــا

يالعصيمـي تـرى بينـي وبيـنـك كــلام

تستمـعـلـه كــبــار الــقــوم واصـغـارهــا

مستورالعصيمي

مرحبـا فـي محـل العـز والأحـتـرام

حفلـة العـزوة الـلـي ولـعـت نـارهـا

اسهر الليل لايطري عليك المنام

دور الـطـيـبـه بـالـفـكـر واخـتــارهــا

محمدالسناني

البقى كل إبوكم يالرجال الحشـام

العرب للمواقف ترخص اعمارهـا

القضيـه تبـي تاخـذ ثلاثيـن عــام

لين سود الليالي تكشف اسرارها

مستورالعصيمي

يجري الدم مابيـن اللحـم والعظـام

خـلـنـا يـامـحـمـد نـظـفــي اسـتـارهــا

نعرف أكالت الخنزيـر الاد الحـرام

اصبحوا من يمين الدار وايسارها

محمدالسناني

قربـت سـاعـة التسلـيـم والأسـتـلام

شوف وحده من الثنتين واختارها

قـوم وثـق حزامـك ياجـويـد الـحـزام

قبل تبلى برؤوس الشر واشرارهـا

مستورالعصيمي

مانقابـلـك بالضحـكـه وبالأبتـسـام

كـل لحـيـه لـهـا فالـوقـت مقـدارهـا

لاتجي في طريق مفرقين الزحام

دور الحيـه ام جنيـب فـي غارهـا

محمدالسناني

ندري انك شجيع من العصور القدام

قـــدم الـلــي تـبــي ويـجـيــك مـسـعـارهـا

والله إنـــــي بـعــيــد الــشـــك والاتــهـــام

وأنــت تـــدري عـــن الـحـفـره وحـفـارهـا

مستورالعصيمي

يوم ظلا العجاج ركود مثل الخيام

من هي الجـاره اللـي مذيـه جارهـا

انــت سريتـهـا فــي نـــور ولاظـــلام

جـــاك فـنـجـال دلـــه زايــــد بـهـارهــا

محمدالسناني

أنت راضٍ عليهـا جعلهـا لرحـام

قبل ماإن القبايل تنشر أخبارها

والله إني مسريها حدود النظـام

وأنت ماانتـه مكلفنـي بمشوارهـا

مستورالعصيمي

سمها في الشراب وسمها في الطعام

كـيـف مـاتـت وعـاشـت نعـنـبـو عـارهــا

فوق



فوق