شوشو لها ياحرب في كل ميقاف(الشاعر محمد بن سليمان الحبلاني الحربي)

الشاعر العلم
الشاعر محمد بن سلمان الحبلاني
يتفاعل مع سجين حفر الباطن حيث انتخى بربعه وهو داخل السجين طالبا فزعة ربعه قبيلة حرب كافه ووجه للقبيله قصيدة وهو ليس له قدر على دفع مبلغ 6 مالايين و700 الف ريال لكن امله بالله اولا ثم برجال قبيلة حرب الذين لا يعجزهم شي بعون الله فمواقفهم دائما مشرفه

منشان من يشكي علي حرب دينه=حضرتلي قاف وحكمت إله الاوقاف
تكفون يازمل الحمول الرزينه=يالي حملتوها على طيب الاكتاف
ويالي كتبتو للزمن في جبينه=تاريخ مايكتب علي بيض الاصحاف
تاريخ بالسيف الحدب كاتبينه=يوم السيوف من الدمي كنها ارعاف
ابوفهد لا تذرف الدمع عينه=شوشولها ياحرب في كل ميقاف
يامبشرين اهل النفوس الحزينه=يامنوت الميلاف في شوف ميلاف
ياحرب ياربعي من ارض المدينه=برفع لكم صوتي على كل مشراف
تكفون ثم تكفون ياهل الثمنيه=شوفو ولدكم مرقبن فوق مهياف
حده نصيبه مع صوادف سنينه=والوقت سيفه لاهل الطيب قصاف
توقعو وش حصال بوالدينه=والله يصبح دمع عينيك هكاف
تكفون خلونا من امساعدينه=هذا ولدنا يانزيهين الاشراف
وابو فهد لاتذرف الدمع عينه =شوشولها ياحرب في كل ميقاف

الشاعر محمد بن سلمان الحبلاني

صح لسان الشاعر محمد ابن سلمان الحبلاني
وأقدم له الشكر موصول لكل من وقف مع سجين حفر الباطن ونسأل الله أن يجعل له مخرجا
وبارك الله في جهودك يا , أبو نواف فقد أسهمت ولم تزل تسهم في التعريف بالقضية وإيجاد الحلول المناسبة ورفع المعاناة عن فهد والوقوف بجانبه كشف الله كربته

صح لسان الشاعر محمد سليمان الحبلاني الحربي على القصيدة الموجهه لحرب اهل المواقف المشرفه
الذين دائما مايشرفون القبيله في مواقف تعجب العين نظرته وفعل يطلق الحجان وانشاء الله قريبا يكون فهد مع اخوانه محتفلا بخروجه

وفي الواقع انني اشكر الشاعر محمد الحبلاني على موقفه المشرف والغير مستغرب على شعراء حرب على التفاعل مع قضايا ابناء حرب وحث الجميع على التكاتف والوقوف مع ابناء حرب في قضاياهم المختلفه ومافيه شك بان كل فرد من افراد حرب قوي بتكاتف القبيله

وفيه شك بان فهد نخى قبيلة حرب وهو في سجن الحفر منذ 6 سنوات بمبلغ قدرة 6 مليون و 700 الف وهو غير قادر على سدادها وحتى القريبين لايملكون هذا المبلغ لكن الامل في قبيلة حرب القبيلة التي هي كما السيل لا يقف بوجهه شي مثل المواقف السابقه الاخير التي جمع فيها مبالغ ضخمه في مواقف مشرفه

وكما علمت بان فيه قصائد اخرى جاهزة لعدد من شعراء حرب بعضا منها وصل وموجودة عند ابو نواف سوف تنزل قريبا محتمل الليله تنزل كتابه وسوف تنزل صوتيات اخرى لقصائد تفاعلوا مع القضية

بيض الله وجهك يابو نواف على هذا النقل وعلى التفاعل مع الموضوع ولاهو غريب منك صاحب نخوه وبدون مجاملها انت راعي الفزعه من اولها والتفاعل من الشاعر العلم القدير الحماسي صاحب الشيلات الجزله
في صف حرب بالمدينه المنوره بيض الله وجهك يابو سلمان على هذا التفاعل ويجعلها في موازين حسناتك وقبيلة حرب يافهد حمود الحربي عصابت راسك في جميع افرادها والله يحفظهم جميع

بيض الله وجهك ياابو نواف .. ووجه كل حربي .. وصح السان شاعرنا الوافي ولا يستغرب الوفاء من اهله .

صح لسان الشاعر ابو سلمان وبيض الله وجه على القصيدة الموجهه لحرب للوقوف مع ابن حرب والمساهمه في دفع المبلغ واخراجه من السجين ومافيه شك رجل مع قبيلة حرب مايشوف الظيم بعد وجود الله سبحانه

صح لسان الشاعر محمد بن سلمان الحبلاني على تفاعله مع موضوع السجين فهد حمود الحربي ومافيه شك بان فهد عندما وجه القصائد لربعه خابرن فعلهم الله يفكه

فوق فوق

صح لسان ابو سلمان وبيض الله وجه على الموقف المشرف