قصيدة السجين فهد حمود الحربي ينخى فيها قبيلة حرب بصوت سلطان مناور

مازال فهد حمود جريد ينتظر فزعة حرب لسداد المبلغ المطلوب عليه وقدرة 3 مليون ريال جمع منها حتى الان 500 الف ريال وكم هو معلوم رقم الحسب موجود في اعلا الصفحة نهيب بالجميع المشاركة في جمع المبلغ وفهد ابن من ابناء حرب واخ للجميع

بيض الله وجيهكم

بسم الله الرحمن الرحيم







الشاعر ذاير السحيمي ينخى حرب بقصيده لحل قضية السجين فهد حمود الحربي / أداء حمود السحيمي"




https://www.youtube.com/watch?v=sF0VEo1T33c&feature=youtube_gdata_player










عزوتي قبيله حرب اهل الحموه والمواقف المشرفه فان ابنكم فهد بن حمود الحربي في كربه لايعلمها الا الله ومن فرج عن مسلم كربه من كرب الدنيا فرج الله عنه كربه من كرب يوم القيامه فهو متواجد حاليا في سجن محافظه حفر الباطن منذ ست سنوات والسبب غرامه ماليه بقدر سته ملايين واربع مئه الف مع العلم بان والده كبير بالسن ويطلب منكم الفزعه لاخراج ولده من السجن والسجين يطلب العون من الله ثم منكم وينتخيكم بهذه القصيده




[poem=font="Simplified Arabic,5,black,normal,normal" bkcolor="white" bkimage="" border="solid,4,black" type=0 line=0 align=center use=ex num="0,black""]
ياحرب ياخيرة جميع القبايل=فيكم تعزو كل قاصي وداني
ياحرب من تيماء الى جبال حايل=الى الساحل الشرقي وكل المواني
نخيتكم والحمل كبر وتمايل=ماعاد فيه اسكات وانتم اخواني
وانا فزعت وكنت للحمل شايل=ولازلت اشيل احمول عشر وثماني
واليوم جيت انخى عيال الحمايل=يومن وقتي للمصايب حداني
وانا وقعت بورطتن ماتهايل=فزعه وصارت فزعتي في بطاني
وانا ولد عودا كريم السبايل=واليوم ياحرب اطلقولي عناني
لاتتركوني في جميع الوسايل=شوفو طريقه حل ياعل وعساني
تلقون حل وعنكم الشك زايل=يامكرمين الضيف طلق اليماني
لي حول ست اسنين شفت الهوايل=في ضيقتن نوم البشر ماهناني
خصيتكم واخترت عذب المثايل=وانتم هل الطولات واهل المباني
وانتم هل التاريخ واهل الفعايل=ماهو جديدا من قديم الزماني
لما تسابقتم ظهور الاصايل=وسليتم اشطار السيوف السناني
تفنون للي على الدرب عايل=ياحرب انا منكم وفيكم تراني
وانتم اضلالي عن شموس القوايل=وانا انسجنت ولارحمني زماني
الى شب في راس الزناد الفتايل=انتم هلي وانتم ذراي واخواني
واختامها يامعربين السلايل=لاتتركوني يوم ربي بلاني
والله يجازيكم بخير الفضايل=من فك كربت مسلمً بالجناني


[/poem]


عند ماسمعت هذه القصيده التي يستفزع فهد حمود الحربي فيها قبيلة حرب وشاهدت مقطع صوتي له ينخى حرب واجب عليه ان اوصل رسالته لكل من يجهله من حرب ونطلب من الله عزوجل ان يفرج كربته كما نشكر رجل الاعمال عبدالرزاق المنور الحربي الذي زاره بالسجن ولازال مهتم في وضعه والان فهد هو ولد حرب عامه فانني تاثرت من وضعه ووضع والده بعد مكالمتي له هاتفيا الذي يتمنى من الله الفرج لخروج ابنه من السجن وانا بصفتي واحد من حرب واتبرع بمبلغ وقدره عشرة الاف ريال لاخي فهد حمود الحربي ويعلم الله انني اريدها لوجه الله ونظمت هذه الابيات توصيل رساله الي قبيلة حرب


[poem=font="Simplified Arabic,5,black,normal,normal" bkcolor="white" bkimage="" border="solid,4,black" type=0 line=0 align=center use=ex num="0,black""]

ياقبايل حرب يارجال الحميه=يااهل الفزعات في وقت الشدايد
به رساله من فهد نخوه قويه=ينتخي فيكم ورب العرش رايد
بالسجن سته سنين وذي خطيه=مكلبشات ايديه عظم اليد بايد
وعوده اللي في وضع مافي زيه=قلبه اللي من لهيب النار جايد
الابو ولهان والام الصخيه=ماينامون الليالي هم كايد
والسبب نخوة خويا مع خويه=والشهامه بالصدر لهاسنايد
الكفاله هي سبب نفسا بريه=بين جدر وبين فولاذ الحدايد
ياقبايل حرب حلو للقضيه=وتنشر البيضا على صحف الجرايد
والاجر محسوب والنيه مطيه=ماتقدم من عطا يالعبد عايد
يعلم الله يوم بان الوضع ليه=هزني في نخوته والحمل زايد
اقسم برب الملا لوفي يديه=غير اسلمها ومع عوده يعايد
وفزعتي من عرضكم مني عطيه=واجرها من واحدًللخلق قايد
مثل ذاني واجب حقوقه عليه=نخوته تاصل عبر صوغ القصايد
يروح عمره بالسجن يصبح ضحيه=ياجماعه ماش بالدنيا فوايد
فرحة الوالد ليا شافه هديه=وغيبته عن والده فيها زهايد
ياهل الجوخ الحمر والشاذليه=مايعز الراس في بيض الوسايد
انتخو ياهل الكرم يالصريفيه=ماقفً غصاب مافيها نشايد
[/poem]

الشاعر القدير ذاير السحيمي

صح لسانك وبيض الله وجهك وجعل ماتقوم به في ميزان حسناتك

اسال الله ان يفرج كربة ابن عمنا فهد ويفك اسره