راشد السحيمي×حبيب العازمي(شقر) كتابه

راشـــــــــــــــــد:
ياجمهورنا هيـا تفضـل وسـم وسـم ** ابزهم على العتبان شاعر وسـم وسـم
حبيب عسل صافي ونكبه وسـم وسـم ** يقولون مـال الاولـه غيـر راعيهـا

العازمـي لـه زمـان يقـوم ويطيـح ** لعلهـا قومـة(ن) مـن غيـر طيحـه
وإن عـودت للقـفـول وللمفاتـيـح ** إمـا نـقـدم عـمـل وإلا نصيـحـه
حـــــبــــــيــــــب:
تبا تزهم العتبان يامـن نشـب نشـب ** لاكنك ليا شبيت نـارك نشـب نشـب
ولن شابت الايام معهـا نشـب نشـب ** يقولون مـال الاولـه غيـر راعيهـا

عسى كلامـك هـذا ماهـو بتصريـح ** إن كـان مـن جـد ياكبـر الفضيحـه
يبـا يـرف العلـم مـع هبـة الريـح ** ويـزورك الضيـف وتمـوت الذبيحـه
راشـــــــــــــــــد:
ترى السبت بعده سبت ثاني واحد واحد ** وراشد سواة السيف الابيض واحد واحد
ولاكن كفي كيف يصفـق وحـد وحـد ** يقولون مـال الاولـه غيـر راعيهـا

الـبـدو مايعـرفـون إلا شليـويـح ** لاكــن شليـويـح يالله لاتبـيـحـه
ضيعات بأصحابنـا مـن دون تجريـح** اقلوبهـم مـن زمـان اول جريـحـه
حـــــبــــــيــــــب:
ياراشد تلفـت يـم جـارك ويـم ويـم ** ويم المراسـي والسفينـه ويـم ويـم
لاكن العتيبـي كـد تيمـم ويـم ويـم ** يقولون مـال الاولـه غيـر راعيهـا

ماانتـه بطحطـوح وتـذم الطحاطيـح ** الله يبيـحـه ويلحـقـك النطـيـحـه
................................... ** الرجـل نقـرا كلامـه مـن نضيحـه
راشـــــــــــــــــد:
انا توي اللـي فـي حبيـب بلـد بلـد ** اظنـه يحسـب ان الاوادم بلـد بـلـد
وهو الوحيد اللـي يخـرب بلـد بلـد ** يقولون مـال الاولـه غيـر راعيهـا

يااصحابـنـا يامطـولـة المسابـيـح ** الباب اصكـه ليـا جـت منـه ريحـه
إن سانـدوك السوالـم والمسـاريـح ** كلمتك فصحـى ولـو ماهـي فصيحـه
حـــــبــــــيــــــب:
كلامك صـدر لاكـن فوقـك ورد ورد ** وانا مستعد اسمـع كلامـك وارد وارد
ولاكن مـال الـورد نسخـة ورد ورد ** يقولون مـال الاولـه غيـر راعيهـا

يااصحابنـا يابعيـديـن المصابـيـح ** لابــارك الله فالـكـف الشحـيـحـه

منقول من منتدى الشاعر فلاح بن صياف


وهذه المحاوره في مزاين عتيبه


حبيب
يا راشد نباك تصير راشد بطل بطـل**لو إن الجهاز اللي يراسل بطل بطـل
أنا من على المرقاب صوبك بطل بطل**يقولون مـال الأولـه غيـر راعيهـا


نبي راشد مثل صياف والرحمة على صياف
ياليت الحربي الأول يشوف الحربي الثاني
وراشد كانت راحت للحقيقة ما عليه خلاف
يسد الوادي اللي بين أهل رابغ وعسفانـي


راشد

حبيب على الحيد المقابل بدا بدا**أقول تشوف الناس قالي بدا بدا
ولا ودي إن الداء يعالج بدا بدا**يقولون مال الأوله غير راعيها

عسى الله يرحم الفاني وراشد يحتمي الميقاف
حبيب لا بغاني يـا جماعـة خيـر يلقانـي
ندور للحقيقة مير من عيـن ومنهـو شـاف
بسـد الـوادي المذكـور لكـن لا تحدانـي


حبيب

عقلنا المطية يالسحيمي عقل عق**لونلبس مع المخوان عقـل عقـل
ترانا رجال المنطق اللي عقل عقل**يقولون مال الأوله غير راعيهـا

أحد يسري على نور القمر وأحد يسري على الكشاف
وأحـد بينـي وبينـه مـا يبـي للذيـب سرحانـي
يا راعي العملـة صرفهـا يـدري بـه الصـراف
علامـك مـا يهمـك صرفهـا فـي كـل دكانـي

راشد

ترى الحر في رأس الطويلة شهر شهر**له سنين ماله يا جماعة شهـر شهـر
ومن حط يده في اللهيبه شهـر شهـر**يقولون مـال الأولـه غيـر راعيهـا

أحد يمشي مع السكة وأحد يمشي مع الأكتاف
أوريك الطريق الزين وأنـت تلـف بالعانـي
عطيتك عملة صعبة لكن أنت يديـك نظـاف
وجيبه بالدراهم يـا جماعـة خيـر مليانـي


حبيب

عسانا إلى جينا ندور نجـد نجـد**ومن نخلكم يا أهل المدينة نجد نجد
ولكن ما ترقون هضبة نجد نجـد**يقولون مال الأوله غيـر راعيهـا

أخذنا ذمة الشاهد وضاعة ذمـة الحـلاف
وهذي غلطة المسلم يصدق رجل نصرانـي
صحيح أن الجمال جمال لكن الحمول خفاف
وأنا ما عاني جمال لا تحسب على شانـي


راشد

ترى الضيف توه يا حبيب مرق مرق**سمع كلمة وحده وبدري مرق مرق
أنا ما طبخت الفأس أدور مرق مرق**يقولون مال الأولـه غيـر راعيهـا

أنا ماني بشاهد زور ولكن شوف لك محـراف
تكلم في الظلام النمـل خايـف مـن سليمانـي
أنا ما أبغاك تسعفني ولا أبغى من جملك اسعاف
أشوف الغدر في عيون الجماعة شوف الأعياني

مع العلم ان هذه المحاوره كانت في اخر يوم من المزاين وكانوا شعرائها الزلامي - مستور-
راشد - حبيب - ملفي

صح لسان الشاعر الكبير راشد السحيمي