الحمدالله على سلامة الشيخ العقيد سلطان بن ناحل

الحمدالله على سلامة الشيخ العقيد سلطان بن محمد بن عمر بن خلف بن ناحل الذي اجرى عمليه قصدرة لاحدى الشريان القلب في مستشفى الحرس الوطني وكانت العمليه ناجحه وابو محمد من الرجال الذين فيهم خير كرم وحبابه ومن كل امر طيب قريب

القصيدة لشاعر فراج الغامدي موجهة لشيخ لعقيد سلطان بن محمد بن عمر بن خلف بن ناحل

سلامي على الي فوق متنه نجوم وتاج= عقيد تليق ابه القيادات واسياسي
تحية وفي بالطيب ياطيب المنهاج=وعنوانها التقدير من صادق احساسي
سلام وتحية والتحية تفل احجاج=على القائد الي منهجه عدل ومواسي
تقدوا به القياد فالبذل والانتاج=ومن حظه التوفيق والفوز بالكاسي
تفوق سلائل حرب نطاحة الافواج=هل المجد يوم السيف والدرع والطاسي
رجالِِ يعانق طيبها قمة الابراج=قروم تدوس الراي من قبل ينداسي
وسلطان قالاته سناء جيدها وهّاج=وكل النواحل للنواميس من ساسي
كلامِ عليه اشهود وينومس الهّراج =تعدّى فعول الزئر سالم وجساسي
حروبِ ليا صاحت على الخيل جاه امراج=فواريس لا صاحت على قب الافراسي
ويوم الامام الفيصلي للرجال احتاج=وفو بالعهد حتى على قطع الانفاسي
بصفة وقوة صفهم عدّل المنعاج=لقاله سيوفٍ حدّها يقطع الراسي
ورجالهم عن منهج الطيب ماقد ماج=يدوس الخطر لادق ناقوس الاجراسي
وعند الحكومة جالهم مدخل ومخراج=من ماضي الي له علومِ على اساسي
ودايم تعز الضيف والجار والمحتاج=وفيهم قساوة روس بالماقف القاسي
وفي مدحهم جاء للقوافي علىّ ازعاج=تهيظت والشاعر كما قيل حساسي
وعمت البحور الى تلاطم بها الامواج=وانا في بحور الغوص ماهر وغطاسي
وصفيت منها ما وصفلي طبيب اعلاج=نوادر على وصف الذهب وزن واقياسي
من المسك والريحان توجتها توّاج=بالعود الازرق ساقها كل نسناسي
مع الطيب ياسلطان جايلّها عجعاج=من الراس منظومة على فرخ قرطاسي
وختم الجواب اعداد ماتافد الحجاج=على البيت وقت الحج من كل الاجناسي
صلاةِ على الي عرجبه ليلة المعراج=نبي شفاعتة يوم الارياق يباسي

لقصيدة التاليه لشاعر نواف السلات العتيبي

ذيب ياللي على راس الطويلـة عـوى=ميدك الجوع يوم انك قنبـت وعويـت

جاوبك واحدٍ ماجـاه جـوع وطـوى=مشكله لاسكـت ومشكلـه لا حكيـت
علـةٍ مالهـا ضنـي عــلاج ودوى=والله انـي بغيـت اقولهـا واستحيـت
خلها في فوادي لـو شكـى وانكـوى=لا شكالي على ربـي تعالـى شكيـت
يالله انـي طلبتـك ياشديـد الـقـوى=لا تخيب رجـاي بدعوتـك لا دعيـت
انـت يامنـزلٍ والنجمـي اذا هـوى=ياعضيـمٍ لغيـرك ماشكيـت ولجيـت
ماشكيـت المحبـه والغـلا والهـوى=ولا ابدع الشعر من شان الغلا بيت بيت
وانت يالي تقول العشـق مالـك لـوا=والله اني بعمري ماعشقـت وهويـت
غير عشق المراجل له ضرام وخـوى=ولو شربت المراجـل كلهـا مارويـت
علمتنـي سنيـن بالزمـن وش نـوى=من كثرماكتبت ومـن كثـر ماقريـت
اعرف الناس اصابع يدك ماهي سـوى=واعرف اللي ليماني نصيتـه نصيـت
واحد عـن دروب المرجلـه ماغـوى=بالفعول الحميدة له مع النـاس صيـت
شاع ذكرة مثل هـداج عـد الـروى=لاحدتـك الليـال بجورهـا واحتديـت
راسيٍ فوق عرش المرجلـه وستـوى=يثلج الصـدر لمنـك لصوبـه عنيـت
حاويٍ قول ونعم وش حوى وش حوى=حـاز كـل العلـوم الطيبـه كمبليـت
ذاك سلطان بـن ناحـل صيتـه دوى=فيه فزعه ونخـوه والصخـا لا لفيـت
لافـزع فزعتـه ماتشبـه ألا سـوى=غير فزعـة مليـك المملكـة للكويـت
يوم خطو الردي لقـام حضـه ثـوى=حي لاقلت حي وميت ليا قلـت ميـت
ماحتزم بالـردي يامـال قلـع النـوى=اعرف اللي ليمانـي نصيتـه نصيـت

قصيدة نواف السلات صوتيه من هنا

يستأهل ابو محمد ويستاهلون النواحل كل علما غانم لأنهم كفوا

الحمدلله على سلامة أبومحمد والله يعطيه الصحه والعافيه
وصح لسان الشعار
والعقيد سلطان كفو ويستاهل المدح

الحمد الله على سلامة ابو محمد الف شكر