عـويـض بــن عــلاج يقصد بعبدالمحسن الفرم والمناسبه

حـضـر الشـاعـر عـويـض بــن عــلاج الـــى ديــــوان الـشـيــخ والفارس عبدالـمـحـسـن الــفــرم
وقـــــال لـلـشـيــخ انـــــه قـــــال فـــيـــه قصيدة لكن رد عليـه محسـن الفـرم وقـال
اني من يوم شفتـك وعطيتـك جاهـزة لكـن القصيد فكنا منـه حـيـث انــه مـدّيـن وقتـهـا ولا لاحـقـه في نفسه شك واعطاه الشيخ عطيه جزله وهـــاذي عــوايــده لـكـن الشـاعـر عـويـض بــن عــلاج ذهــب الى اخت محسـن حصـه وقـال لهـا اطلبـي لـي الــشـــيـــخ كـي اعـد الـقـصـيـدة تــرانــي ان ماعـديـتـهـا يــبــي ينفجر صدري فذهبت لشيخ محسـن الفـرم وطــــلــــبـــــت مـنـه بــان يسمح للشاعـر عويـض بـن عـلاج بـأن يعـد القصـيـدة بـديـوان الشـيـخ عنـدمـا يجتـمـع الــرجــال فــوافـق وعــدهـــا الـشــاعــر بــديـــوان الــشــيــخ عــنـــدمـــا اجـــتـــمـــع الــرجـال

والقصيدة والرواية عن طريق الشيخ محمد عمر بن خلف بن ناحل الحربي حيث ان الشيخ الفرم خاله وكان ابن عمر معه في لبنان للعلاج لمدة سبع شهور على حساب الملك عبدالعزيز ولم تنشر تلك القصية ولا احد يحفظها كان الا ابو خلف نشرت قبل كم سنة في مجلة المختلف عن طريق ابو خلف ثم نزلت في المنتديات على الرغم ان المناسبة منزله الا ان البعض تصرف في الاسلوب ولم يذكر المصدر مثلا برواية منه وعموما هي موجودة باسم من نزلها اول واحد بتاريخ قديم

واخو حسنا ورجال حرب يستاهلون لكن نريد ان نجمع نوادر القصيد الذي على فعل

البارحةجانـي عـن النـوم ولـوال=ولوال راعـي صايـبٍ مصتصيبـي
ولوال هم ٍ صـار بالجسـم والحـال=وان مابري خطـر ٍ جسمـي يعيبـي
وغديت مثل الذيب في روس الأقـذال=فـي كـل مرقـاب اعـط القنيبـي
وجري مجرى الذيب وقـول ماقـال=واقول مثلـه حيـث حسـه صليبـي
وارفع بصوتي ونهضـه لبـو جـلال=مع الصوت صيـاح ونحـب نحيبـي
وخبـره بالـي عليـه بـه اشكـال=هم العيـال وهـم رطـب العسيبـي
وضاعت سواني غرسنا بشهب اللال=وراعي الزعابه لو زعـب مايثيبـي
يالفرم نبي ندورالخير نزرع ونكتـال=ونقري الضيوف اللـي تدورالعزيبـي
من نيل ربـي ثـم نيلـك اليـا نـال=نولـك عليـه حيـث يبـرد لهيبـي
يوم ان خطو اللاش ماينطـي ريـال=وانت عطاك الخيل حسـن الهذيبـي
ومستكملٍِ كـل المراجـل بالأفعـال=بالسيف والمنسب وحـط العصيبـي
وبالفعل مكتوب عـن الفيـن خيـال=يـوم كـل عـن قبيـلـه يهيـبـي
واليا قال اخو حسنا على شهب الأذيال=كم عايـلٍ مـن عيلتـه راح أديبـي
اليا شاف مايحنالـه السيـف بقتـال=يوم ٍ بـه المولـود راسـه يشيبـي
راحن بهم صم الرمك عـزم وجفـال=جفيـل صيـد جافـل جـاه ذيـبـي
والخيل جابت مابهـا وجـاه حلحـال=والفـارس الطيـب لقالـه لعيـبـي
مثل الضحايا بيـن محسـن وجـلال=هـذا ذبيـح وذاك عنـده صويـبـي
شيوخ الشيوخ مرتعـت كـل وبـال=في ظلهم يرعى الشعيـب العشيبـي
وراعي البلد يسكن عن القيظ بضلال=ومكتوب لهم في جاه محسن نصيبـي
مصالـح تجـري جديـدات وسمـال=يشبـع بهـن اللـي بعيـد وقريبـي
يا الله عسى يسكن في عالي العـال=يوم المفـاز اللـي وعدنـا حبيبـي
اللـي وعـد بأيـات عـم والأنفـال=وصلات على النبي عدة نجوم المغيبي

بيض الله وجهك وحم الله الشيخ محسن الفرم واموات المسلمين جميعا