تغطية حفل المضحي بحائل لليشخ سليمان بن غميض

اقامت قبيلة المضحي من ولد حسين
مساء يوم الخميس الموافق 22/11/1432هـ
حفل لشيخ شمل ولد حسين من عوف
الشيخ سليمان بن غميض ومرافقيه
من قبائل ولد حسين وقد حضر هذا الحفل
عدد من مشائخ واعيان قبيلة ولد حسين
وكذلك بعض القبائل الاخرى0

*
*
*
مقدم الحفل الخطابي الاستاذ فيصل سمير سمران المضحي

وخير بدايه القرآن الكريم للاستاذ/ يوسف مسلم ساري المضحي

ثم كلمة قبيلة المضحي القاها عنهم الشيخ/ مبارك هديبان حويان المضحي

*

*

ثم كلمة شيخ شمل ولد حسين الشيخ سليمان بن غميض الغريباني الحسيني

*

*

*

ثم كلمه وعظيه للمستشار القانوني بالمحكمه العليا الشيخ/عبدالعزيز الموسى الهريساني الحسيني العوفي

وبعد ذلك اتى دور الشعر والشعراء

وقد بدأت المشاركاتبقصصيده ترحيبيه للشاعر/ عيد سمران المضحي الحسيني

سـلامي يثنـا عـد بــارق بروقـهـا

وعـد الربيـع ومانبـت فـي منابـتـه

ربـوعٍ تشـرف بالمواقـف فعولـهـا

من اول عصـور الكـون لاخر كتابتـه

وهـلا بشيخنـا ومرافقـيـه واحبـتـه

هلا بالحضـور اللـي يشـرف للابتـه

هلا بكـل مـن لبـا لربعـي وجالهـم

وشـرف للمضحي بجيتـه واستجابتـه

هلا عد ماهلـت مـزونٍ مـن المطـر

وعدد مادرجت باعلى سماهـا سحابتـه

واهني جميع الحاضريـن بشفـا الملـك

واحمد الولي يوم انكتـب لـه سلامتـه

ملكنـا زعيـم الشعـب قايـد بـلادنـا

ذرى الشعب حمـال الحمـول بطيابتـه

اشـوف الـرؤس بكـل يـمٍ تساقطـت

وثارت وغا الحمى على نـاس خابتـه

بدت بالجزاير مصر وادلت الى اليمـن

وبعد اليمن بالشـام بـه شـب شامتـه

وحنـا بحـمـد الله ننـعـم بنعمـتـه

عسى الله يديـم الامـن باحكـام ثابتـه

وولـي العهـد ندعـوا مـن الله ربنـا

يعيده لنـا مـن بعـد وعكـات صابتـه

سليـمٍ معافـا بـاذن ربـي يجـي لنـا

ابو وجه طلق ومشتهـر فـي رحابتـه

ونايبـهـم الثـانـي ذرانــا وسـدنـا

عسى الله يرحم من لـهالشعـب جابتـه

سلايـل كحيـلان العريـب المـوحـد

على ظهر خيل اعتـا الحكاكيـم هابتـه

ياليـن استقـر الامـن والديـن وحـده

على نهج رسـول الله ونهـج صحابتـه

وذا الحيـن يالجمـع الله يديـم عزكـم

وحياكـم الله عنـد عـيـد وجماعـتـه

انرتم عسـى ربـي يحيـي حضوركـم

بتشريف شيـخٍ جـا يشـرف جماعتـه

بشيـخٍ مـن بـلاد المدينـه يـزورنـا

بحايل ولاهي غريبـه للجماعـه زيـارتـه

تعود على طيـب الكـرم شيـخ شملنـا

وعلى التواضـع والنقـا فـي حبابتـه

وسليمان ابن غميض مـن روس لابتـي

يكنـى الغريبانـي حسيـنـي ثوابـتـه

حسينات عوف اللي بها الطيب والكـرم

لو اثني الـى باكـر ماانصفـت لابتـه

ومرده الحربـي علـى الطيـب والنقـا

وحرب العريقه شمـس بالكـون ثابتـه

ومن غير قاصـر فـي قبايـل بلادنـا

وكلٍ بهـا مـن الطيـب بـذر ونوابتـه

وشيـخ العشيـره بـه صفـاتٍ مميـزه

بلوج وكمـا نجـد العريضـه رحابتـه

كريـمٍ لمـن يقـدم ليـاجـاه بالـكـرم

شجاعٍ الى ثار الوغـى اعـداه هابتـه

خذا الطيب ورث جدود من ساس ساسهم

وكذا شيوخنا والطلـع اساسـه منابتـه

ويامرحبـا فيكـم جميـعـاً ويـاهـلا

وعذراً اذا التقصيـر هالنفـس اصابتـه

عيد سمران المضحي الحسيني

ثم قصيده اخرى للشاعر /عبدالله عوض الله الهرساني الذي

تم دعوته للمشاركه من قبل الشاعر عيد سمران وقد حالت ظروفه

دون حضوره وقد ارسل عدة ابيات للشاعر عيد سمران عبر الجوال

والقاها عيد نيابةً عنه وكانت ابياته كالتالي:-

*

*

*

قصيده للشاعر/ عبدالله عوضه الهرساني

ياعيد ابن سمـران لـولا ظروفـي

والله لاشرف حفل ربعي هل الكـار

اولاد مضحي مكرميـن الضيوفـي

لطامة العايل الـى صـار ماصـار

رجالهـم بالقـول لاقـال يـوفـي

وحريبهم يصبر على موتـة النـار

وتـراك عنـي بالنيابـه وتـوفـي

وبلغ سلامي لكـل وافيـن الاشبـار

اهل الحفل واللي لفوكـم ضيوفـي

في قصر تاج الله يجيرك من النـار

وآخص ابن غميض زبن الضعوفـي

سمح الجناب وحر من عقب الاحرار

هذي مشاركتـي كفيـت الصدوفـي

برسالـة الجـوال تاتيـك الاخبـار

*

*

*

ثم بعد ذلك قصيده للشاعر نايف سمران المضحي

وقد القاها نيابةً عنه الاستاذ/ سلطان فريح المضحي

يامرحبا ترحيبةٍ مالها اعداد ****بالشيخ ابن غميض راع الحميه

ترحيبةٍ فيها الوفا يسند اسناد ****باللي لفو للديره الحاتميه

ووجودكم عندنا مثل الاعياد ****ولكل واحد له نخص التحيه

وحرب الوفا والوفا بحرب يزتاد ****افعالهم بالطيب ماهي خفيه

منهم نويشي رقا روس الامجاد ****وضحى بروحه لجل يسلم خويه
ووقتٍ مضى يوم انها حرب واجهاد ****عدوهم يذوق مر المنيه
وعدوهم يسقا من مر الاكباد ****وخويهم مايشوف منهم اذيه
وفي وقتنا الحاضر وفي عصر الاجداد ****حرب الوفا وللقياده وفيه
والمملكه ترخص لها ارواح الاولاد ****ارواحنا لمملكتنا هديه
والمملكه فيها الامن والرخا ساد ****بقيادة القايد زبون الونيه
الشاعر /نايف سمران المضحي

ثم قصيده ترحيبيه اخرى للشاعر / مدله خضران المضحي الحسيني
حيث قام بالقاءها شيله ونصفها الاخر القاء

*
*
*

وبعد ذلك مشاركه شعريه بالفصحى للشاعر الدكتور/ عبدالله هذيل الرحيلي

ومشاركه شعريه للشاعر/ مرعي السعيدي

وقصيده شيله لصاحب الصوت العذب الشاعر / نواف بن مدلج الميزاني المطيري

لاجتني الدعوه ماجيب المعاذير***خصٍ ليامن جات من شخص غالي
اجيه متعني ماحسب المشاوير***واتعب على شانه واشد الرحالي
اكن للطيب معزه وتقدير****وانا على العليا بعيدٍ مجالي
وفي محفلن فيه الشحم والمباهير***محفل هل النخوه زحول الرجالي
شيوخ حرب الصاملين المناعير***لن ضاق من صدر الجنوب الشمالي
نصر الحزين اللي همومه مزابير***كرام سبلا ماتحسب الريالي
كم اتعبوا بدروبهم من مغاوير***وكم احتموا بسيوفهم من متالي
وقفاتهم بين القبايل مشاهير***يوم الزمن في حطتن وارتحالي
سلام ياقومٍ تهد الطوابير***وسلام ياقومٍ تروم العوالي
سلامٍ محمل بودٍ وتقدير***احلى من العذب القراح الزلالي
هذا وانا من لابةٍ كنها النير***مطير ساس الطيب باول وتالي
حمر النواظر وان دعتنا المقادير ***نارد حياض الموت والراس عالي
يوم انها في نجد ورد ومصادير ***سطواتنا تهتز منها الجبالي
وسيوفنا منها عدانا معاثير***وخوينا قلبه من الخوف خالي


وباقي القبايل نعم من دون تقصير***وكلن على الطاله يجي له مجالي

واليوم حنا كلنا ننعم بخير***في ظل ابو متعب كريم السبالي
وختامها ياهل الوجيه المسافير***العذر منكم واسمعوا ماطرالي
مدري اهني نفسي اني من مطير ***والا ان حرب اهل المواقف خوالي

*

*

*
ثم مشاركه لقصيده للشاعر عبدالقادر العلياني

ومن قصيده الى اخرى

ومشاركه للشاعر / محمد الموسى الحسيني العوفي

سلام ياحفل الرجال الحلاحيل
اللي لهم بالطيب صوله وجوله
اهل الكرم والطيب ذباحة الحيل
ونفوسهم للضيف ماهي ملوله
متوارثين الطيب جيلٍ بعد جيل
لو مانقوله كل قومٍ تقوله
المضحي اللي بالوفا توفي الكيل
رجالهم للطيب يشعب ذلوله
هذا كلام الصدق ماهو تهاويل
الطيب كايد مايجي بالسهوله
ثم امدح اللي من زحول الرجاجيل
اللي مع العربان تذكر فعوله
الشيخ ابن غميض ريف المشاكيل
نل الحرار اللي ينومس قبوله
ماهي غريبه من هل الجيش والخيل
كساب قولة نعم نعم الحموله
شيخٍ لولد حسين عذب المناهيل
عنده على الصعبات دايم سيوله
عزٍ لربعه بينٍ كنه سهيل
نوم واجد مير ماهي بحوله
وصلاة ربي عد وبل المخاييل
على نبي الله محمد رسوله
الشاعر/محمد الموسى الحسيني العوفي

*

*

*
ثم مشاركه للشاعر/ داله عايض المفرجي

وكانت قصيدته مسنده على مايبدو على منظم الحفل الشاعر/ عيد بن سمران
حيث قال الشاعر داله المفرجي
جـهزت نفسي للسفـر يابن سـمــران = من القصـيـم عـانـيلـكـم يم حــايـل
أنا وبعـض عـيال مفـرج هـــل الشان = لـكـم عـنـيـنا يـا كـــرام السـبـــايل
دعـــوة بني مضحي حضرنا لها الآن = اللـي لهـم بالـكــــون مجــد ودلايل
اليا دعــــونا ربعـنا بشـتـى الأوطــان = ارضـــالهم إلـــهـم نعـني الرحايل
يا ربعــنا المضحي من القـلب ولسان = غـــــالين يالـوافـيــن عبر الوسايل
تشريف دعوة ربعــنا طـلاق الإيـمان = فخــر لـنا ياهــل الفخـــــر والنفايل
بجـوار حـاتم مثـل حــــاتم لضـيـــفان = فـيكم كـــرم فـيـكم رجـــال الجزايل
جـيـرانكم من دون قـاصـر وحـقــران = نعم بهم شـمر مــــــــع أولاد وايـل
انتم وحـنـا مـن رفـــاقـة الـيـا إخـوان = والبعد ما هو بين الاقـــــراب طايل
وش الحـجـاز ونجــد وحــدود برزان = بكل الخـليج إلنا فـــروع وفـصــايل
لـــــو المـعـوشــة فـرقـتـنا والاسكان = لا جــــــاء الله الله نجـتمع بالكمايل
جموع ولد حسين من ماض الأزمان = مـــع بعـضهـم بالهـيـــــنة والثقايل
الـوصــل فـيـنا لـه دلايـل وبـرهــــان = من يــوم كــنا كاسـبـيــــن الجمايل
وقـفـاتنا تـنقـذ مغــربــل وبلــــشـــان = الــيـا منها قـــلة عـــــــليه المحايل
وزاد الـتـكاتف والمحـبه سلـــــيـمان = يشكر على جهوده عريب السلايل
مـــــقـدام ولد حسين مرجع وعنوان = منصــا وملـفــــا من كبار الحمايل
لين جـنــاب لحــي ربـعــه وصدقــان = يسـتـــاهل اللي يـمـدحــه بالمثايل
شيـخ وحــفـيد شيوخ عـاقل وفهمان = من روس عــوف موثـقـين الفعايل
من حرب حرب اليا تلاقــــوا بعـدوان = خـصـيــــمهم تبقى علـيه الغـــلايل
عـــزوة بني سالم ومسروح شجعـان = أنصــار حــــــق وضد راع الشعايل
واليوم ما يــوجـد مغـــازي وفـرسان = زال الجهل وسروج قحص الاصايل
في ظل اخــو نوره عــــما كل فسقان = اليوم في حـكـمه إخــــوان القــبايل
نـرفــع ولانـا لـبـومتـــــعــب وسلطان = إنا مــــع الأســــرة وراء كل عـايل
تـنـفي مذاهـبـنا تصــــاريـــــف خـوان = اللي عــــلى بلاده خـبـيـث العـمايل
هــذا وواجب نجـتــمع قــــدر الإمكـان = والشك عن روس العــواريف زايل
أهـل الصلة يجـــزون حسنه وغفران = الله عــلى عــباده كـثـير الفـضـايل
*
*
*

ثم مشاركه للشاعر الحائز على جائزة شاعر فارس الصحراء الشاعر/ فوزي ابن مربح

الشيخ/صالح جويبر الرميثي شيخ الرماثيه من ولد حسين من عوف كان متواجد ضمن الحضور

*

*

*

*

الشاعر / تركي مرزوق المفرجي (( المقابل يسار)) بشت بنيه هههه ابو فيصل اعتذر عن المشاركه لارهاقه ببعض المشاغل لديه الايام الماضيه وقد تم عذره بعد الاقتناع عند سماع العذر0

والباحث/ احمد بشير الحسيني يمين وقال انه قد تجول بالمنطقه لمعرفة مابها من اثار عصر يوم الخميس0

*

*

*
وهنا واجب العضيافه لدى قبيلة المضحي بحائل
بيض الله وجيه امضحي كما بيضوا وجيه جماعتهم بكرم الضيافه

الشيخ سليمان بن غميض والشيخ صالح الرميثي

جانب من الضيوف من آل موسى الهريساني

محمد شامان المفرجي والدكتور عبدالله هذيل الرحيلي

زيزوم المشاكيل بيض الله وجهك على النقل الاكثر من رائع