قصيده لسجين محمد عياد العوفي المحكوم قصاص بعد 11 سنه سجن بسب قتله مقدم في مرور القصيم

قصيده لسجين محمد عياد العوفي الذي محكوم قصاص بعد 11 سنه سجن بسب قتله مقدم في مرور البدائع ويناشد بها قبيلة حرب كافة
بامراها .
[poem=font="simplified arabic,5,black,normal,normal" bkcolor="orange" bkimage="" border="solid,4,black" type=0 line=0 align=center use=ex num="0,black""]
بتاريخ 11/11/1435
عشرة اعوام وعام في جمة النار = اسرج اخيولن بالأمل له صروحي
والسيف يقرب والمقادير تختار = منا ومنهم زايدات الطروحي
احدن يموت بغار وحدن بعد ثار = وحدن بلجات البحر له سفوحي
وحترت في وصف المعاني والاشعار = لينن لقيت بروق ربعي تلوحي
آلاد سهل اللي على العز جيار= اللي لهم بعروق قلبي اسبوحي
لقيت فيصل في حديثات الأفكار= فيصل ابو ربعه شجاع لحوحي
وشاعر جزل في كل الأحوال بيطار = شيخن ولد شيخن ولاهو نزوحي
يقدم بربعن لصعيبات حضار= اللي تداوي مهجتي عن جروحي
ياحرب ياربعي بلا اقصور ابختار= منكم بعد جار الزمان بالفثوحي
عشرة سنين ولابعد شفت زوار = ولا حدن مشالي مخلصن لي نصوحي
والعام طاش الفكر ونهد ونهار= واليوم سجلت القصيد أبفحوحي
تكفا يبو سلطان حارن الأشوار = والامر عندك مايبيله وضوحي
انخاك ونخا حرب في كل الأقطار= اللي لهم في قمة المجد لوحي
وين الحميدي معتق صغار وكبار= اللي بجاهه يكثرن السموحي
ابو ذعار اللي كمأ خشم سنجار = بين الجبال الراسيه والسطوحي
وين الفروم اللي عن الموت نصار= تكفون فزعتكم خذا الموت روحي
وين الزبالي راعي الطيب وذكار= اللي بصيته يبردن الجروحي
ياحرب ياحزامي ترا الوقت بي جار = ومنهو يشح بجاه وجهه شحوحي
فعل السبب ياحرب رجواي ماصار = والله رجايه ثم حرن جموحي
يجمع زحول الجاه بالسر وجهار= جعل السبب بيدينهم فك روحي
ون كان ماصار الفرج والقدر حار= عقلتها للواحد للي للمخاليق يوحي

[/poem]
جزى الله خير الجزاء من نشرها وسعى بنشرها وفك رقبة سجين حرب.نسأل الله أن يكتب له أجر عتق رقبة. كل من ساهم ولو بالنشر أو الدعاء فإن له أم يتفطر قلبها عليه
سجين في سجن بريدة

نسأل الله أن يعجل له بالفرج ويفك أسره وأن يرحم الميت ويكتبه من الشهداء ويعوض أهله خيرا ويوفقهم المسارعة بالحسنى والعفو ﻹعتاق نفس بشرية تموت كل يوم داخل السجن أكثر من عشر سنوات جراء الحسرة والندم ولات ساعة مندم إلا بالله ثم بعفو من أولياء الدم والله عز وجل قال(،،، ومن أحياها فكأنما أحيا الناس جميعا، ، ) أسأل الله الكريم رب العرش العظيم أن لا يحرمهم أجر العفو والإحسان ودعوة صالحة من أم رأت الإحسان والفضل من أهله.

نطلب من المولى عزيز الجلالي•••الواحد المعبود منش الخيالي بعينن من الرحمه ونظرت موالي•••للي وراالقضبان يرجاالسوالي

السلام عليكم ورحمة الله وبركاته

تشرفت بوجودي في هذا المنتدى منتدى ربعي

ارجو من الله سبحانه وتعالى ان يوفقني في مايجملني عند ربعي

ارجو من الله العلي القدير ان يهون كربة محمد عياد العوفي وينزل الرحمه والتسامح

في قلوب اصحاب الحق وعندي ثقه بالله سبحانه وتعالى ثم بأصحاب الحق الرجال الاوفياء الاكرام

بأن رحمتهم وكرمهم و عفوهم يغلب على غضبهم العفو والتسامح صفه من صفات نبينا محمد صلى الله عليه وسلم

مع تحياتي واحترامي وتقديري للجميع و خاصه لاصحاب الحق على محمد العوفي

وانتظر وانا واحد من ملايين عفوهم وعطفهم وتسامحهم وثوابهم على من قال

( وَمَنْ أَحْيَاهَا فَكَأَنَّمَا أَحْيَا النَّاسَ جميعا )

وتقديرهم واحترامهم يبقى في صدور الرجال الى ماله نهايه

اخوكم الشاعر : سالم السامود المخلفي الحربي

عليكم السلام ورحمة الله وبركاته
حياك الله أخي سالم وكتب الله لك وللجميع السلامة من كل شر وإذا كنت تتشرف بوجودك في منتداك ( منتديات بني سالم ومسروح )
فإن هذه المنتديات كذلك تبتهج لوجودك وأمثالك من الأعضاء والزوار وتزهو بمنشوراتكم القيمة ومشاركاتكم الجميلة فيها ومنها هذه المشاركة الرائعة الجميلة المجملة ..
ألف شكر بارك الله فيك أخي سالم..

فوق


فوق

فوق



فوق

فوق





فوق

يالله تفك اسره وتثلج صدر اهل المقتول اولا ثم اهل القاتل يارب اميين