ماني على زين الحكايا بخيلي (فجحان الفراوي)

كانت من عوائد فجحان الفراوي المريخي المطيري بانه المجلس بالسوالف الطريفه والقصائد التي يتشوق لاستماعها الجميع فقد لاحظ الحضور في ذات مره بأن فجحان على غير عادته واستغربوا من سكوته وظنوا انه بخل او تطاول على من كان حاضراً لأنه يقال عن الفراوي بانه لا يرتاح لكل مجلس ولا يفضي بسوالف الحضور اقل منها مستوى
فهو يقول بهذه المناسبه

ماني على زين الحكايا بخيلي=وهرجن على غير النشاما عثى بال
الله على اللي هرجهم يستويلي=اللي الى شدوا بعيدين الأنزال
ياحلوهم وان قهقروا للنزيلي=ولازم يستوي قبل يبنون فنجال

وله في مناسبه اخرى

قالوا تسوج وقلت لوسجت وشعاد=اتلى هوى قلبي بوسط الجماعه
مالي غرض مار اشتهي هرج الأجواد=يدله بهم قلبي عن الهم ساعه
سوالفٍ تاتي وهذيك وراد=هاذي ذبحناها والأخرى قلاعه
ودلال يشدن الغرانيق قعاد=حزة طلوع الشمس عند ارتفاعه
بالأشقر اللي يودع الريق ينقاد=جياب وزن العيش ما جاب صاعه
اوولد النبيته لو تمرجل ولو جاد=يدقبه من ساس جده وداعه