محاورات مستور بن تركي العصيمي

عبد الله المسعودي

هاضني ليلة الجمعة سنة تسعين

غير تسعه علـى تاريخنـا الهجـري

المعلـم تعـب بيـن الحـجـر والطـيـن

والأفـنــدي عـــن الأحـــوال مـايــدري

مستور العصيمي

لو قرينا على صم الجبـال تليـن

سـورة الراجفـه والشفـع والـوتـري

لو بدالي حقيقه قلتها ذا الحيـن

بدري الليل يا أهل الملعبه بدري

عبد الله المسعودي

صارت الحبحبه حمراء على السكين

مابـقـى غـيـر طــش القـشـر والـبــزري

المهـنـدس يـعــرف الـصــم يامسـكـيـن

حط لـك فـي شعيـب منـى ميـة كبـري

مستور العصيمي

أمتـلا الخـرج منهـا ومتـلا الجيبـيـن

يـــوم حـظــك دعـالــك لـيـلـة الـقــدري

وش جرالك وجالك وين ساري وين

مـر سكـر ومـر العـن مـن الصـبـري

عبد الله المسعودي

كـل شـيٍ يبيـن ومـا أكلـت أم قـريـن

لازم أنــــه طــلـــع فـجـنـوبـهـا نــبـــري

أنت طالب رسبت العام في درسين

لــــو تــعــد الــــك الأقــــلام والـحــبــري

مستور العصيمي

لقمة ابليس تعلجها على اللحيين

والـحـوادث تـصـوّب والـدهـر يـبــري

هرجةٍ مادرى عنها حسن وحسين

عـــوّذ ابـلـيـس علـمـنـا بـكــم تـكــري

عبد الله المسعودي

ياذهب بعد ما اشتدت عليك يديـن

أحــد يبـتـاع واحــدٍ يـاذهــب يـشــري

البلح والملح فالصاع أبو صاعين

وش تـدور تمـد يديـك فــي شـمـري

مستور العصيمي

كـــل ديـــره لـهــا نـــاسٍ تـســد الــديــن

مــن بعـيـد الـرمـوس يجيـبـهـا فـكــري

وش يحدك على القشرا حداك البين

ولا أنـــــا بــالــرديــه مــاطــلــع ذكــــــري

عبد الله المسعودي

أنـت ياخـادم الدنـيـا نسـيـت الـديـن

لـو نهـز الجـذع ضـلا البلـح يـذري

ذكرك أسود من الغدرا وحب التين

لو أوصفك فـي بيتيـن مـن شعـري

مستور العصيمي

قاضي الحق واحد والشهود اثنين

ان نشدناك وش سوابـك المصـري

قلـت ياذيـب درب الغانمـيـن يمـيـن

مـيـر مهـبـول لا تـتـعـب ولا تـــزري

عبد الله المسعودي

طيب الشكل والمضمون ماهو زين

مـثــل مـــا فالـبـحـر لـلـمـد والــجــزري

الحـمـامـه تـنــادي راعـــي الـمـارتـيـن

عند عـش الطيـور النبـق والسـدري