قالو فهد له ستة اسنين مسجون( الشاعر خالد الحميدي المزيني الحربي)

تفاعل الشاعر خالد الحميدي المزيني الحربي مع سجين الحفر بهذه القصيده

قالو فهد له ستة اسنين مسجون=والسابعه وجه بها من سعاله
ارسل بصوتا يكسر القلب محزون=يصيح وينخئ في سجون العداله
واليوم ياالشعار نبغى تقولون=اليوم لجل حمود نبغى المقاله
قلت ابشروا حنا لكم راس وعيون=والشاعر لربعه يطوح عقاله
عن ماقفه ماغاب ياكود ممهون=ومن لايسد بواجبه خاب فاله
فكرت اوصف لي منجب على لون=لقيت لي مسبوق عند الوكاله
ولاشفت عندي غير صوت التلفون=كله ابي سرعه وصول الرساله
اللي على الزيلو بها الان توحون=واللي على الجوال واللي بصاله
واللي على الرتويت فيها تواصون=عن حاله اللي شيب العين حاله
كلام مايجرح بمعناه مغبون=كرامه الرجال تسوى حلاله
انخاء بها اللي بالمواقف يسدون=شيوخ حرب مكلفت كل قاله
الاوله فزعه يبىئ الطيب تدرون=ومن عاده الحربي يسد بمجاله
فزعه وصارت له على نار كانون=ولاعاد ينفع لوم يااهل البساله
ياحرب ياللي للمدرك تفكون=ياحرب ياحرب الوفاء والشكاله
روفو بحال ابوه وامه تثابون=فكو دريك حمود من هالكفاله
ياشيوخ حرب انتم هنى كل محزون=بعد الله اللي متصف بالجلاله
الشجره اللي مالها اشباه بالكون=ضني وانا ماقول فيها الكماله
بليا قصور بغير ياحرب توفون=كم واحدأ منكم فرح في عياله
لاتذخرون اليوم عن حالته عون=ياللي عليكم ماش شي استحاله
هذا الوكاد وغير هذا تطولون=اقولها وعندي عليها دلاله
والله لو ليه من المال مخزون=اني لاجيبه مارتجي به بداله
حربي ولي في حرب مشلح ومسنون=سيفأ يقص الروس لاجاء سؤاله
وختامها ياللي سمعتو تصلون=على رسولا شرف الله مأله

صح لسان الشاعر خالد الحميدي وبيض الله وجه على هذه القصيده الجزله من رجل جزل ولاهو غريب على شعراء حرب هذا التفاعل