قصيدة سعد بن عامر الضبيس المحمدي موجهه لشيخ بندر الفرم بخصوص سجين الحفر

	تفاعلاً مع قصائد سجين الحفر فهد حمود الحربي الموجهه لقبيلة حرب وكذلك الموجهه لاحد شيوخ حرب البارزين ووصاحب المحل العامر والصيت والجاه الذائع الشيخ بندر بن محسن بن صنيتان الفرم حيث انه معروف عنه الحميه والفزعه وما ان يقوم بموضوع الا ويتحقق له ماراد لوجاهته ومكانته عند الجميع من حكام الدوله وعند جميع القبائل واخر مواقفه المشرفه قضية خالد العلوي والذي تمكن من جمع 30 مليون في ايام معدودة من قبائل حرب وذلك لما يمتلكه من معزة وقبول وتقدير عند الجميع فعساه يبقى ذخرا للقبيله وهو وشيوخ القبيله واعيانها ووجهاء القبيله وتجاره

	منتديات بني سالم ومسروح الشاعر سعد بن عامر الضبيس المحمدي ينخى الشيخ بندر بن محسن الفرم على موضوع سجين الحفر فهد حمود الوهبي وهو الان حرا طليق بفضل الله اولا ثم موقفة رجال حرب الاوفياء ********* ياراكب اللي تهيل القلب هوماته=من سرعته يلحق الشيهان ويفوته حوض وغماره تميز عن مديلاته=اتشغله وانت بالمجلس بريموته من الوكاله على الطبلون لوحاته=ان اشتغل وان مشى ماينسمع صوته اسئل مجرب شراه وشاف ميزاته=ومسجل اسمه مع الغالين بالنوته شاريه لظروفه الصعبه وعازاته=ماهو سفيه(ن) يفحط فيه ويشوته شبل(ن) اميل عقاله وسط خلفاته=متفرقه عن نفود كنيف وخبوته مبسوط يتبع هوى قلبه ومشهاته=والارض من خيرت الاعشاب منبوته محد(ن) مكلف بروحاته وجياته=من هيبته دونه الانظار ملفوته شر ويتله بالجواب وقالي هاته=من قو عزمه على اللزمه وجبروته وسلمته الخط واغلا الشعر وابياته=قال انتظرني برد العلم وثبوت راعي وفى تخلف الهقوات هقواته=فلل وقوده وشيك ماه وازيوته يوم اخذ الليل حساده وشماته=كلن ارقبته على يمناه معفوته سعى ودعى بالحرم واخلص بدعواته=لهل الحجاز وروابي نجد وتخوته وسراه مع سريت المقوي على شاته=حاديه من ينحش الجايع على قوته صفق الحجر بالرفارف من كفراته=دليل طول الابنص اللي تحت بوته من المدينه عطى لشرق منحاته=قاسم عن العاصمه تمثال كبوته عليه راعي وفى من طيب نياته=مايقطع البيد غير بجيب تايوته سعد نقل عن فهد خالص تحياته=على مقاديم حرب وحرب مبخوته سالم ومسروح تاج الراس وحماته=لاقام موج البحر يزمي على حوته وملفاه بندر حفيد الفرم وحلاته=ماهي سوالف تجي وتروح مفلوته متورث الطيب سلم احياه ومواته=لو استجلت اعلوم الطيب ماتفوته نبيه يفعل فعول العود وسواته=اللي تطايح عيال الخيل من صوته مايستهين بشكاوي حرب لاجاته=تلقاه في مقدم القاله على سبوته ولايعطي الضيف والمحتاج علباته=تشهدله الناس والتاريخ ووقوته واليا عطا تغني المحتاج مداته=وتظفي على المستجير يديه وبشوته مالت موازين حسناته بسياته=وحصل على العنبر البحري بجيلوته سلم علا خشمه الطيب وجمهاته=وقله تراني دخيل الفرم وبيوته يابندر الخوف بانت بي علاماته=اجامل الناس والافكار مشتوته طول النهار اجتلد والليل ماباته= والحض عيا على ماسه وياقوته ومن ساقه الوقت بين العود والحاته=يصبر على المستحيل ويحتري موته والطيب معروف والمعروف بوقاته=اخير من كبوت الرجال وسكوته افزع لمن حالته ضاعت بحيلاته=واظنها من عيون الناس منحوته قد كان مبسوط وموثق علاقاته=واليوم كنه جنازه وسط تابوته يطلع المحفظه من وسط مخباته=ويردها لانظر فيها تحت كوته كثرت عليه الظروف ونقصت ذاته=ويديه صارت من الارزاق مسحوته حربي وسلمك شكواه وتحياته=يشكي على روس حرب وحرب مبخوته