محاورة العمالقة مطلق الثبيتي ومستور العصيمي وخلف بن هذال وصياف الحربي

مطلق

صياف ويا خلف هذال نبغاهم جمال جميع
حتى نحمل عليها الصبح حملتها وتشتالها

مستور

اللي يضيع خوية مانقول انة بدرب سنيع
واللي لقالة طماعة فالضحى ماقال هيالها

خلف

اللة يسلمك يارجال حرك سوق تشري تبيع
بعض البضايع خسارة عاطلة بيدين دلالها

صياف

اللي تخلف عن الغزوات ماهو بالمكان الرفيع
وان شاف لة نار في شط البحر مر وتعدالها

مطلق

ياشين خوتك يارجال في وقت الشتا والربيع
عقلتها ياخلف لكن واليا تطلق عقالها

مستور

ماني بخابرك ياصياف راع طيب والا صنيع
لكن خل القضية يالحريبي لين نفضى لها

خلف

لوانك اليوم زبدة ياثبيتي فالقدح ماتميع
ليل الشتا يحفظ الزبدة ويتركها على حالها

صياف

مستور مثل الاذاعة والثبيتي فالاذاعة يذيع
يالين قالت لة العمة تصليلي وصلى لها

مطلق

اثرك كما الشنة الليى بجنب شعيل تقرع قريع
وان مروا الزير والا البير حطوها على جالها

مستور

لو ماركبها الفحل ياصاحبي مابان فيها ضريع
صياف تومي لة ام الغيث بالمنديل واموالها

خلف

مطلق تراها الوداعة والوداعة صرت انالها وديع
ادري عليها واعلقها على المعلاق بلحا لها

صياف

من يوم نمتوا على ديس اللبن مثل الوليد الرضيع
يحرم عليكم قدوع التمر والدلة وفنجالها

مطلق

الناقصة خلها فالخرج لاتبدي بها كل ريع
والشوكة اللي تحت رجلك تبا تدخل وتصحى لها

مستور

ياطول خطوتك ياصياف وان شفت الغنيمة سريع
واليا عقدنا العقد ياصاحبي مانتة بحلالها

خلف

الناقصة ناقصة والواردة لو ضيعت ماتضيع
ارقد عليها قبل تقعدك بنت ابليس لعيالها

صياف

الذيب يسرح وجحر النوم ترقد بة كبار الضبيع
والناس لاشافت وجية الذيابة ترخص أموالها