ألقاب بعض فخوذ قبيلة حرب

ألقاب , فخوذ , قبيلة


ألقاب بعض فخوذ قبيلة حرب



الألقاب مشهورة بين القبائل ،،فمثلا إذا اُطلق حرابة الدول أو حرابة الروم فالمقصود بها قبيلة حرب لكثرة محاربتها الدولة العثمانية .


إلا أن هناك ألقابا أخرى لبعض الفخوذ داخل القبيلة نفسها ، وهذا ما سوف نتكلم عنه بعض ألقاب فخوذ قبيلة حرب .


وسوف أذكر هنا ما أعرفه منها ولعل الأخوان يكملون ما نقص ،، ويجدون عذرا لتقصيري إن حصل ،،
فمن هذه الألقاب :




1) حمول الخيل : وهم بني علي من مسروح من حرب.


يقول الشاعر يمدح جلال الفرم :





كريم يابرق الحيا نايـض البـرق على القصيم خيال يبرق ورا خيال





أسقى اللبيد وانحدر لايسر الشرق واسقى النفود اللي بها الشيخ جلال





أمير عن بعض الامارات به فـرق مقدم حمول الخيل ماضين الأفعال







:::
2) دفانة الركبة : هم بني سالم من حرب.


يقول الشاعر حبيب بن عواد العريمة يرثي محمد بن نحيت :





إلا ومقـدم لابـة وأي لابــه سوالم لهم على الخيل مهـذاب





دفانة الركبـة نهـار الحرابـه عيب على من يمدح النفس كذاب





ابن رشيد حمود قـال بجوابـه جمال التخوت موردة كل هيـاب







:::
3) أهل المليحا : ومبشرة الحوير بأمه : وهم ولد سليم من بني سالم من حرب .


يقول الشاعر مبارك السليمي :





أهل المليحا كـان تـدري ياغريـب لا طار عن جرد السبايـا غبارهـا





ناطا بحام الكـون والله مـا نهيـب لا وقفـت اللحيـة علـى شبارهـا





يشهد على ماقلت والخالـق رقيـب فعـل جـرى بالمعركـة واخبارهـا





نرمي على الصايب ولو نخطي نصيب مبشـريـن انياقـنـا بحـوارهـا








:::
4) عيال الخشيمي : وهم مخلف من مسروح من حرب .


قال الشاعر :





ربعي هل الطالات وأهل الحمية يشهد لهم قاف المطيري ومعناه





قصيدة تبقى مع الحـي حيـه شهادة من خصمنا في الملاقاه





يقول كون ما حصل كون زيـه كون مع مخلف يشيب بطريـاه





عيال الخشيمي ما دخلهم نزيه عيوا على ذود لهم لو بغينـاه







:::
5) أهل العرفا : وهم الجملاء من بني سالم من حرب .


يقول الشاعر :





يالفرم بيت الشيـخ جبنـاه حنـا جبناه من بين الجمـوع جهـار





جوبه هل العرفا على وسق ضمر صفـر يخلـن العظـام كسـار







:::
6) عيال راشد : وهم الفردة من مسروح من حرب .


يقول فجحان الفراوي :





عيال راشد كل أبوهم مفاليح هدامة الجمع الكبير الموالـي





يتلون ابن حماد زين التصابيح ضيف الله اللي يحتمي للتوالي







:::
7) الدويلة :وهم الطرسان من بني عمر من حرب .


يقول الشاعر :





حنا الدويلة وثابـت العلـم تلقـاه قبيلتي وأفخر بهـا مـن فخرنـا





دخيلنا من العين للـراس شلنـاه تهـاب صناديـد القبايـل سطرنـا





من قاسنا بالخير والشـر قسنـاه ومن غثبر الصافي شرب من كدرنا