حق الجيره عند قبيلة حرب وقوة الوفاء مع الجار

هذه القصه قصة مفضي الاحمدي اولا نشكر احفاد نهار ابن مفضي وهوعبدلله وعبد الهادي ابناء محمد ابن نهار ابن مفضي ابن ولمان الاحمدي من العميره والعميره من الفضله والفضله من الاحامده من حرب ونقول لله يمتعهم بالصحه والعافيه ويحفظهم جميع كما حصلت على اثبات القصه عندهم واهم اهلها


اما عن القصه كان مفضي معه جار شمري من العليان من شمر من جماعة الشيخ الملقب بمعشي الذيب

كانوا في جوار وادي الحناكيه وارحامه جهت المستجده على طريق حائل قريبه من ريع الاحمدي الذي كان

بسم مفضي اعطاهياه عمه اللي زوجه الشيخ معشي الذيب وفي يوم من الايام جاء راع الابل يصيح ابل جاره
الشمري قال الابل اخذوها القوم قام مفضي هو وجاره وراحم الى الموقع الا وخذت منه الابل لقو بعير من جيش القوم

للي اخذوا الابل نظر الشمري جار مفضي الى وسم البعير قال يامفضي البعير عليه وسم ابلك جاء مفضي شاف الوسم
قال ابشر في اباعرك ياجار اباعرك عند جماعتي الاحامده وعرفت الوسم ولاكن رجعنا ماحنا لاحقين بهم ان لحقنا فيهم ذباحنهم او اذبحونا ولاكن نشالله اباعرك نجيبها ياجاروعند ماجاء الصباح راح هو وجاره الى شيوخ الاحامده من حرب في الحجاز وقال مفضي

عند ماكرمهم الشيخ الذي جوا عنده يافلان اباعر جاري ماجوده عند مطلق ومشعان يعرفهم زين وعن طريق الوسم اللي حصلوه على البعير ارسلوا لهم وجوا قال شيخهم هاتم الابل للي عندكم هذي اباعر جار رفيقنا مفضي وعرفوه ورحم وجابوا الابل وفيه ناقه حلوب
وطيبه وفي وقت جوع وفقر وطمعوا فيها واخفوها والطمع للرجال قال جار مفضي لي ناقه ماهي فيه قالو ماندري عنها هذه الابل


الماجوده قال مفضي يحكمها الشيخ قال الشيخ هذا جارك وانت تحكمها يامفضي قال احكمها بعدد قوايمها اربع رضيت ياجار قال نعم رضيت وجابوا اربع من الابل بدال الناقه وروحم مفضي وجاره وعند مامرت سنه جاهم الخبر ان الناقه ماجوده عند مشعان ومطلق قال الناقه ماجوده عند جماعتك يامفضي قال اذا هي عندهم ابشر ياجار انشالله غير تجي ياجار وهذا كله يدل على قوة وفاء مفضي لجاره بداه على اقرب الناس له وهذا حق وواجب للجار والخوي بعد ذلك ارسل لهم ورفضو ان يجيبو الناقه وارسل ولده حمود وقال خذ هذه القصيده واعطها الشيخ فلان وعند ماوصلت القصيده طلب الشيخ مطلق ومشعان واقنعهم في ترجيع الناقه وقال هذا اولا انه جار له وارحام له واهل معروف به كان عليه دم وجالي عند العليان من شمر

القصيده طويله ولاني حافظ الا هذه الابيات والمعذره

يــاحــمــود لـلــجــيــره قــوانــيـــن وســـلــــوم
ولله مـانـرضــى عــلــى الـســلــم يـنــهــان

مـاتـروح نـاقــة جـارنــا وانـــت شـغـمـوم
مـوتــن بـعــز ولاحــكــى فــــلان وافــــلان

امـــــا تــجـــي مـادونــهــا هـــــرج وعــلـــوم
والا ســددهــا راس مـطـلــق ومـشــعــان

الله نـشــد يـاحـمـود عـــن مـعـرفـه يـــوم
عشـر وثـمـان سنـيـن ياحـمـود جـيـران

ياحمـود يطلـع لـك صديقـا مــن الـقـوم
ويطلع لك من الربع الموالين عدوان

ياحـمـود مليـنـا مــن الـــوادي ابـــو دوم
وافـــرح الــــى مـاشـفــت نــــزل الـعـلـيـان

فـي وسطهـم كنـي مثـل باشـت الـروم
وارجــــح ومـيـزانــي عــلــى كــــل مــيــزان