ابن تركي يباله قاف مثل النار والبنزين( حبيب العازمي ومستور العصيمي)

محاورة بين حبيب العازمي و مستور العصيمي

حبيب العازمي:

ابن تركي يباله قاف مثل النار والبنزين

ـــــــــــــــــــــ حريقه في حريقه والمطافي ماتطفيها

على شان العلوم اللي نبى تفسيرها بعدين

ـــــــــــــــــــــ يخربها ولد جاره ولا يقدر يسويها




مستور العصيمي:

ليا شبيتها نرميك فيها ياغراب البين

ـــــــــــــــــــــ علاك اتشبها وأنا علي اكفتك فيها

والا يالعازمي ماني بزايد فوق دينك دين

ـــــــــــــــــــــ أخذ عبر التجارب فاول الدنيا وتاليها




حبيب العازمي:-

أنا ماني غراب البين أنا خلالً يخل العين

ـــــــــــــــــــــ وأنا وشلون احول وسطها وأنت متوقيها

ثمان سنين زايدها ثمان سنين كم سنين

ـــــــــــــــــــــ نعش الأرنب السوداء وتفتلنا باذانيها




مستور العصيمي:-

أنا ماني بخابر عازمي واحد طويل ايدين

ـــــــــــــــــــــ ليا طالت يدينه ماتعدّا عن مخابيها

سوالف ماتخالف ياحبيب بين حين وحين

ـــــــــــــــــــــ لكن العازبات اللي يسرحها يضويها




حبيب العازمي:

لا بالله ربعك أنته كلهم شجعان وأنت دوين

ـــــــــــــــــــــ تمد ايداك وحبيب على كيفه يلويها

رحانا كل مادارت على حبً يروح طحين

ـــــــــــــــــــــ نداويها ونجرحها ونكحلها ونعميها




مستور العصيمي:

بنيناها على طول الليالي مثل سور الصين

ـــــــــــــــــــــ تراكم صيدة ً فالوقت نطبخها ونشويها

ولا يارعي الحجه نبى برهانها ذالحين

ـــــــــــــــــــــ ولا تغدي علينا بين كاتبها وقاريها




حبيب العازمي:-

حديتونا على علم الردى ياربعنا الغالين

ـــــــــــــــــــــ رديه والرديه راجعها في حظ راعيها

يموت الحضرمي والحبحبه حمرا على السكين

ـــــــــــــــــــــ ولا يقدر يقطــــــــــــعها ولا يقدر يخليها




مستور العصيمي:-

عسى الله ينصر الأسلام ويقوم عمود الدين

ـــــــــــــــــــــ ويكتب لك ثوابك فالصلاه اللي تصليها

ابوي امحارب الكفار في غزوة بدر وحنين

ـــــــــــــــــــــ وأبوك اللي مغار يسند الديره وينحيها




حبيب العازمي:-

يقولون الرجال الضعف دائم حيلة المسكين

ـــــــــــــــــــــ وحنا أهل المروه والضعافه ماندنـــــيها

ابوك الله يغفر له قضاها مع رعاة الضين

ـــــــــــــــــــــ ويزعل لو يشوفك فالغنم سارح مفليها




مستور العصيمي:-

يقولون الرجال العز ضرب السيف ابوحدين

ـــــــــــــــــــــ وابا اذكرك في بعض اللحون اللي تغنيها

أنا دوبي عرفتك ياحبيب بعد عام الفين

ـــــــــــــــــــــ واعاين في وجيه الناس واجرحها واداويها





حبيب العازمي:-

ترى اللي يدفع الدرمه على وقت الشريف حسين

ـــــــــــــــــــــ علاه ملاحظه عند الزكاه اللي يزكيها

ليا منا تمادينا ترانا كلنا مخطين

ـــــــــــــــــــــ وأنا جيتك مصيبه والمصيبه وين تغديها

صح لسانك فهد بن ناحل

اقتباس:
المشاركة الأصلية كتبت بواسطة سطام

صح لسانك فهد بن ناحل

صحت ابدانك الف شكر

ههههههههههاي ( حيلهم بينهم )
يعطيك الف عافيه اخوي فهد ابن ناحل
وصح لسان مستور العصيمي و حبيب العازمي

صحت ابدانك الف شكر


اقتباس:
المشاركة الأصلية كتبت بواسطة كعام العايل

ههههههههههاي ( حيلهم بينهم )
يعطيك الف عافيه اخوي فهد ابن ناحل
وصح لسان مستور العصيمي و حبيب العازمي

على شان العلوم اللي نبى تفسيرها بعدين

ـــــــــــــــــــــ يخربها ولد جاره ولا يقدر يسويها



بيض الله وجهك يانواف انا اشهد انك اخترت

مجنون صياف وجهك ابيض الف شكر

اقتباس:
المشاركة الأصلية كتبت بواسطة مجنون صياف

على شان العلوم اللي نبى تفسيرها بعدين

ـــــــــــــــــــــ يخربها ولد جاره ولا يقدر يسويها



بيض الله وجهك يانواف انا اشهد انك اخترت

يعيطك العافيه والله يبيض وجهك

السمو
وجهك ابيض والف شكر

اقتباس:
المشاركة الأصلية كتبت بواسطة السمو

يعيطك العافيه والله يبيض وجهك