[poem=font=",6,royalblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا عاده الله علمً اليوم ذاعوه=زلزل به الساحة مع الاطراف
صاح الحجاز وجاوبت نجد ياهوه=من يسمع القلطة بعد غاب صياف
عزولي الجمهور والصف عزوه=وعزولي الشعار في كل محراف
ضلعً رسا بالشعر والناس سمعوه=ماينطق الهزله ولا بيوته ضعاف
شامخ بوجه الريح مايوم هزوه=ورفع مقام الشعر عن بعض الاسفاف
وأن قاموا الشعار والاتحدوه=وقف لهم بالقاف ثم أردفه قاف
وأن قام للصفين والبيت خلوه=جاب الحقايق ماتزلف تزلاف
طوع عسيرات المعاني وسموه=الشاعر الاول على كل ميقاف
ياما علمنا بين الاعلام رزوه=وسط المحافل بين الاعلام ينشاف
حتى قضى الله فيه حكمه وشالوه=على النعش محمول من فوق الاكتاف
ادعي من الله يوم فالقبر حطوه=يغفر له الزلات والرب رواف
والعلم عني بأخر الهرج ردوه=المعلبه من بعده اليوم تنعاف
[/poem]



[align=center]
الشاعر / عبد الله السليمي
[/align]