القصيدة والأبيات تحتاج تحقيق كذلك المناسبه لانها مذكورة في بعض المواقع بطرق مختلفه وحتى ترتيب الابيات والزيادات فمن له اطلاع يزودنا بها




[poem=font="simplified arabic,6,blue,normal,normal" bkcolor="white" bkimage="" border="solid,4,blue" type=0 line=0 align=center use=ex num="0,black""]
ياضـيـقـةٍ صـكــت عـلــي الضـلاعـيـن=يـالـيـتـنـي يـــــم الـشــفــا فـاالـبـيـانـي

ياكـثـر دمـعــن فـــاح يـــزي قطيـعـيـن=والقـلـب مــن بـيـن الضمـايـر كـوانــي

يااهـل النضـا خـوذوا عليهـن تـزاريـن=ثــم انـحـروا بظـهـورهـن يـــم ابـانــي

تلفـي بيـوت اللـي لـه الظـيـف ناصـيـن=وبــيــوت ربــعــي بـيـنــه بـالـمـبـانـي

بصحونـهـم يـرمـون حـيــل وخـرافـيـن=يـامـا شـبـع بصحونـهـم مـــن هـدانــي

وصح للعمـور ان جيـت قضايـت الديـن=الـلــي يـخـلـون الـصـعـب مـطـوعـانـي

واستـفـزع البيـضـــــان وإلــا الغـيـاديـن=الـلــي يـشــدون الـشــوش بااليـمـانـي

وعلـم ترانـا مــن وراالـعـرض مقفـيـن=لاوالله الـلــي رحــــت يــــم قـحـطـانـي

اقفـوبـي الـحـزمـان هـــم والغضـابـيـن=وتـــل قـلـبـي تــــل حــبــل الـسـوانــي

بالـحـبـس مـربــوط ثـمــان وثـلاثـيــن=مامنـهـم الـلــي عـادنــي فـــي مـكـانـي

ميـر يالـيـت ابــوي دنـوتـن للسقايـيـن=وعـلــوش زبـــن مكـاظـمـات العـنـانـي

والا لـيـتـه دنــوتــن لابــــن جـبـريــن=الـلــي يــــروي مـرهـفــات الـسـنـانـي

والا الصعوب اللي علي الهوش جاسين=والا بــعــد مـيـمــون مــانــي بـكــانــي

والا امتـنـي يالـيـت ربـعــي مضـايـيـن=الـلــى يـخـلـون اشـقــر الـــدم جــانــي

والا النـواحـل شوفـهـم يعـجـب الـعـيـن=قطعانـهـم تـرعـى الخـطـر دون عـانــي
والا حـجــاب الـلــى يـضــد المـعـاديـن=قـطـعـانـهــم مــارتــعــت بـالــعــوانــي

والالابـــن ســعــده زبــــون المـتـلـيـن=وكــــم قـطـيـعـن يــودعــه شـعـثـرانـي

واولاد راشــــد يـتـعـبـون الـمـنـاحـيـن=رجـالـهــم يــــوم الـمـلاقــى ضـمـانــي

وسـعـيـد الـذكــري ربـوعــه متـاجـيـن=يامـا انقـطـع مــع جـرتـه مــن عمـانـي

والله لـونــه مــــن حـديـهــم قـريـبـيـن=انـــه لياصـلـنـي مـــن الـبـعـد عــانــي

والا اهـــل الـعـرفــا لــجــو صفـيـفـيـن=وبـــار الـعـمـيـل ونـفـضــن الـعـوانــي

ياطـيـر يــم ابــوي صـــف الجنـاحـيـن=والــزم جـوابـي لـيـن يـاصـل اخـوانـي

وان كــان ربـعـه مـاعـطـوه البـعـاريـن=يـرخـي الـسـلاح ويظـهـر العـلـم ثـانـي

والله لـونـي عنـدهـم لااقـضــي الـديــن=وحـلـفـت مـاارحــم واحـــدن مابـغـانـي
[/poem]