[poem=font="simplified arabic,6,darkblue,normal,normal" bkcolor="white" bkimage="" border="solid,4,darkblue" type=0 line=0 align=center use=ex num="0,black""]
منتدبات بني سالم ومسروح
جارالله السواط وصياف الحربي في طاروق رائع
والمآخذ على جارالله السوطلم يلتزم بالقافيه في أربعة أبيات
*********
جارالله السواط
الليلة الليلة معي معنى جديد=وإن جيتكم ماني غريب بلاديه
وإن كان زاد الصف ياهل من مزيد=أشب ناري لاقدحت زناديه
صياف الحربي
الليلة الليلة علينا ليل عيد=هاتي طبولك وأرقصي ياشاديه
يلي تنادي للقريّب والبعيد=جرتك مع خط البهيتة غاديه
جارالله السواط
حنا ليا جينا نفيد ونستفيد=وألا أنت حارس في مسيد الهاديه
حمّلك أبو نواس بالبأس الشديد=لكن سيفك وده الحداديه
صياف الحربي
حنا عيال البدو أهل سيفٍ حديد=وأنت حضريٍ ماتحب الباديه
ما أنته بعارف للنزول ولا الشديد=عينك من الشيشة ليا البراديه
جار الله السواط
راع المعز والضأن ماموته شهيد=مسلم ويأكل عيشة النصرانيه
وأخطك اللي عطله ساع البريد=تأكل ولا سميت بالرحمانيه
صياف الحربي
عندك ثلاث ليال راصدها رصيد=التاسعة والعاشرة والحادية
خلك على هونك وثوبك لايبيد=يامكثر المحدار والمسناديه
جارالله السواط
عندي ثلاث ليال والمبنى جويد=ماني سواتك تهدم البنيانيه
قعدت مابين العرب واحد وحيد=ماعاد لك صاحب ولا جيرانيه
[/poem]