بارك الله بالجميع والله لايهين اخوي ابو نواف والمشرفين و الاعضاء الكرام على الترحيب الغير مستغرب....
في الحقيقه اعجبتني ابيات مدري من شاعرها لكن فيها حكمه حبيت المشاركه فيها....
يا صاحبي لا تزعجك دمعة العين
------------ بعض الدموع تعقّب القلب راحه
اليا انزلت من ضيقةٍ فالشراييـن
------------ يعود للقلب الحزيـن انشراحـه
بلاك من دمعٍ محدّر على ويـن
------------- ماله بساحات الرجولـه مساحـه
اما نزل لعيون سـاره وداريـن
------------ والا بعد فوز الهـلال ونجاحـه
ما يطرح دموع الرجل غير ثنتين
-------------ثنتيـن فيهـن دمعتـه مستباحـه
الاوله لا من غـدا الليـل ليليـن
--------------- في ساعةٍ كلٍ هجع في مراحـه
لا فز من نومه زبـون الامرّيـن
---------------- واعلن مع الرحمن ساعة صراحه
عدّه سجين وقصّته عقب يوميـن
------------ لكن سبقْه العفو واطلِق سراحـه
والثانيه لا فارق القلـب غاليـن
------------- فرقا مهي فرقا السفر والسياحـه
فرقا الكفن والمقبـرة والمعزيـن
---------------- فرقا سؤال المغفـرة والاباحـه
في غيرهن يا صاحبي ريّح العين
---------------- واستنقص الدنيا وتـزداد راحـه