يستاهل التقدير رجل المواقيف =الي تنومس فزعته لبن عمه

يومنها ضاقت جميع المحاريف =وقف مواقيف السعد للمهمه

قام السحيمي ماحسب للتكاليف =حمية ٍ تجري مع عروق دمه

عبدالله اللي مايبي زود تعريف =رشيد ابوه اللي للامجاد قمه

تنشر لعبدالله بروس المشاريف =بيضن تنومس حرب في كل يمة

الي وقف قدم الظروف الشواحيف=الي تجيب الكارثة والمطمه

وفك السجين الي يدينه مكاتيف =من السجن جابه و وداه لمه

يديه في كسب الجمايل مغاريف =تجاذبه بالطيب خاله وعمه