يانـور لـنـا معـجـزات مسـمـاه=ومن دوحة الشيمه لنا فروع وأعـذوق
الطيـب لنـا فيـه جـلـه وعلـيـاه=ماطيبنـا هرجـة بلاعيـم وحـلـوق
الجـار عـن ميـلات الايـام نـدراه=شف قصة البشري بها العلـم موثـوق
كن المهادي شـق لـه مـن مزايـاه=لولا الخبر معـروف تقـول مسـروق
تشابهت قصـة هـل الحلـم والجـاه=قصه مثـل قصـه وقايـع ومنطـوق
بس المهادي جار جاره علـى انسـاه=وهذا سبب خطله من يديـن مطفـوق
جارٍ غريب وشاف له ظبي وأخطـاه=وأصاب جاره جعـل يمنـاه للعـوق
وزبن على البشـري وخصـه ببلـواه=قدام لا يـدري عـن العلـم مخلـوق
وقام الامير اللي أبيض العلـم ينصـاه=ونادى على ربعه وقال اجمعوا سـوق
ويوم أجمعوا خمسين وضـحٍٍ محنـاه=رفع برأة الجار فـي راس صعفـوق
وأبو القتيل أظفا على الجـار حسنـاه=واعاد لربعه ماجمعوا له مـن النـوق